నాగోల్ :
రాక్ టౌన్ కాలనీలో రథసప్తమి పర్వదినం ఆధ్యాత్మిక, ఆరోగ్య సందడిని నింపింది. సూర్య భగవానుడి జన్మదినాన్ని పురస్కరించుకుని కాలనీ అసోసియేషన్ ఆధ్వర్యంలో నిర్వహించిన 108 సూర్యనమస్కారాల కార్యక్రమం విశేషంగా ఆకట్టుకుంది. కాలనీ ప్రెసిడెంట్ వినోద్ రెడ్డి ప్రత్యేక పర్యవేక్షణలో, యోగా గురువు మధుసూదన్ రెడ్డి నేతృత్వంలో సుమారు 100 మంది సాధకులు ఏకకాలంలో సూర్యనమస్కారాలు చేసి తమ భక్తిని, ఆరోగ్య దీక్షను చాటుకున్నారు.
సంకల్పం - సాధన - ఆరోగ్యం:
గత రెండు సంవత్సరాలుగా కాలనీ కమ్యూనిటీ హాల్ వేదికగా సాగుతున్న యోగా శిక్షణలో వందలాది మంది ఆరోగ్యాన్ని పొందుతున్నారు. ఈ సందర్భంగా ప్రెసిడెంట్ వినోద్ రెడ్డి మాట్లాడుతూ.. కాలనీ వాసుల సంక్షేమం కోసం సామాజిక కార్యక్రమాలతో పాటు ఆరోగ్యానికి పెద్దపీట వేస్తున్నామని తెలిపారు. యోగా ద్వారా దీర్ఘకాలిక వ్యాధుల నుంచి ఉపశమనం పొందుతున్న వారిని చూస్తుంటే సంతోషంగా ఉందని, భవిష్యత్తులో యోగా తరగతులకు అసోసియేషన్ తరపున మరిన్ని మౌలిక వసతులు కల్పిస్తామని ఆయన హామీ ఇచ్చారు.వైభవంగా సన్మాన కార్యక్రమం
ఈ కార్యక్రమంలో యోగా సాధకులంతా కలిసి రాక్ టౌన్ నూతన కార్యవర్గ సభ్యులను ఘనంగా సన్మానించారు. అనంతరం సూర్య భగవానుడి ప్రసాదంగా ఆరోగ్యకరమైన రాగి జావ, మొలకలను పంపిణీ చేశారు. యోగా కేవలం వ్యాయామం మాత్రమే కాదని, అది ఒక జీవన విధానమని గురువు మధుసూదన్ రెడ్డి పేర్కొన్నారు.
.jpeg)
ఈ వేడుకలో పాల్గొన్న ముఖ్యులు
ప్రెసిడెంట్ వినోద్ రెడ్డితో పాటు జైపాల్ రెడ్డి, మణిపాల్ రెడ్డి, రాంచంద్రా రెడ్డి, సంజీవ రెడ్డి, సంపత్ కుమార్, శ్రీలేక, సుదర్శన్ చారీ, శేఖర్ రెడ్డి మరియు పెద్ద సంఖ్యలో కాలనీ మహిళలు, వృద్ధులు తదితరులు పాల్గొన్నారు.
About The Author
04 Feb 2026
.jpeg)
.jpeg)
