హయత్‌నగర్:

రాజ్యాంగ నిర్మాత, భారతరత్న డాక్టర్ బి.ఆర్. అంబేడ్కర్ ఆశయ సాధనలో యువత భాగస్వాములు కావాలని మల్‌రెడ్డి రాంరెడ్డి పిలుపునిచ్చారు. అంబేడ్కర్ జయంతి సందర్భంగా హయత్‌నగర్ బస్టాండ్ వద్ద ఆయన విగ్రహానికి పూలమాలలు వేసి నివాళులర్పించారు. ఈ సందర్భంగా రాంరెడ్డి మాట్లాడుతూ.. సమాజంలో మార్పు విద్యతోనే సాధ్యమని, పేద విద్యార్థులకు కార్పొరేట్ స్థాయి విద్యను అందించేందుకు ప్రభుత్వం 'ఇంటిగ్రేటెడ్ స్కూళ్ల'ను అందుబాటులోకి తెస్తోందన్నారు.

ట్రాఫిక్ ఫ్రీ హయత్‌నగర్..
నియోజకవర్గంలో రవాణా వ్యవస్థను మెరుగుపరిచేందుకు ప్రభుత్వం భారీ నిధులు కేటాయించిందని రాంరెడ్డి తెలిపారు.

 రూ.200 కోట్లతో హామ్ రోడ్డు:* హయత్‌నగర్ నుంచి కోహెడ ఫ్రూట్ మార్కెట్ వరకు రూ.200 కోట్లతో రహదారి పనులకు ఆమోదం లభించిందన్నారు.

అరైవ్ - అలైవ్.. ప్రాణం విలువైనది
రోడ్డు ప్రమాదాల నివారణే లక్ష్యంగా మాదిగ సంక్షేమ సంఘం చేపట్టిన “అరైవ్ — అలైవ్” పోస్టర్‌ను వనస్థలిపురం ఏసీపీ కాశిరెడ్డి, సీఐ నాగరాజుతో కలిసి రాంరెడ్డి ఆవిష్కరించారు. ఈ సందర్భంగా అందరితో రోడ్డు భద్రతా ప్రమాణం చేయించారు. ప్రతి ఒక్కరూ ట్రాఫిక్ నిబంధనలు పాటించి క్షేమంగా ఇంటికి చేరాలని సూచించారు.

ఈ కార్యక్రమంలో కాంగ్రెస్ నేతలు చెన్నగోని రవి, శ్రీపాల్ రెడ్డి, శ్యామ్ చరణ్ రెడ్డి, ఏఎంసీ డైరెక్టర్లు జైపాల్ రెడ్డి, గణేష్ నాయక్, రమేష్, సురేష్, బాబురావు తదితరులు పాల్గొన్నారు.