శ్రీ త్రిశక్తి దేవాలయంలో వైభవంగా 12వ వార్షికోత్సవం..

బి.ఎన్. రెడ్డి నగర్ కార్పొరేటర్ మొద్దు లచ్చిరెడ్డి ప్రత్యేక పూజలు

On 21 Jan 2026 11:21:29

శ్రీ త్రిశక్తి దేవాలయంలో వైభవంగా 12వ వార్షికోత్సవం..

వనస్థలిపురం:

బి.ఎన్. రెడ్డి నగర్ డివిజన్ పరిధిలోని హరిహరపురంలో కొలువుదీరిన శ్రీ శ్రీ శ్రీ త్రిశక్తి దేవాలయ 12వ వార్షికోత్సవ వేడుకలు మంగళవారం అత్యంత వైభవంగా జరిగాయి. ఈ వేడుకలకు స్థానిక కార్పొరేటర్ మొద్దు లచ్చిరెడ్డి ముఖ్య అతిథిగా హాజరయ్యారు.
ఈ సందర్భంగా ఆయన ఆలయంలో అమ్మవారికి ప్రత్యేక పూజలు నిర్వహించి, మొక్కులు చెల్లించుకున్నారు. అనంతరం అర్చకులు ఆయనకు తీర్థప్రసాదాలు అందించి, వేదాశీర్వచనం చేశారు.
ఈ సందర్భంగా కార్పొరేటర్ మాట్లాడుతూ:
భక్తిభావం వల్ల మానసిక ప్రశాంతత లభిస్తుందని పేర్కొన్నారు.
కాలనీ వాసులంతా ఆయురారోగ్యాలతో, సుఖసంతోషాలతో ఉండాలని అమ్మవారిని ప్రార్థించినట్లు తెలిపారు.
ఆలయ అభివృద్ధికి, వార్షికోత్సవ వేడుకలకు కమిటీ సభ్యులు చేస్తున్న కృషిని ఆయన అభినందించారు.
ఈ కార్యక్రమంలో ఆలయ కమిటీ ప్రతినిధులు, కాలనీ సంక్షేమ సంఘం సభ్యులు మరియు పెద్ద సంఖ్యలో భక్తులు పాల్గొన్నారు.