అంబేద్కర్ ఆశయాలే పోలీసులకు దిక్సూచి

On 15 Apr 2026 11:12:55

కమిషనరేట్‌లో ఘనంగా బాబాసాహెబ్ జయంతి
చిత్రపటానికి పూలమాల వేసి నివాళులర్పించిన డీసీపీ ఇందిర

నేరడ్‌మెట్:

భారత రాజ్యాంగ నిర్మాత, భారతరత్న డాక్టర్ బి.ఆర్. అంబేద్కర్ ఆశయ సాధనలో ప్రతి ఒక్కరూ భాగస్వాములు కావాలని మల్కాజిగిరి అడ్మిన్ డీసీపీ ఇందిర పిలుపునిచ్చారు. మంగళవారం మల్కాజిగిరి పోలీస్ కమిషనరేట్ కార్యాలయంలో అంబేద్కర్ జయంతి వేడుకలను అధికారులు, సిబ్బంది ఘనంగా నిర్వహించారు. ఈ సందర్భంగా అంబేద్కర్ చిత్రపటానికి పూలమాలలు వేసి ఆమె నివాళులర్పించారు.
చట్టం ముందు అందరూ సమానులే..
ఈ సందర్భంగా డీసీపీ మాట్లాడుతూ.. దేశ ప్రజలందరికీ సమాన హక్కులు కల్పించిన మహనీయుడు అంబేద్కర్ అని కొనియాడారు. రాజ్యాంగం కల్పించిన స్వేచ్ఛ, సమానత్వం వల్లే దేశం అభివృద్ధి పథంలో దూసుకుపోతోందని అన్నారు. ముఖ్యంగా పోలీస్ శాఖలో పనిచేసే వారు రాజ్యాంగ విలువులను కాపాడుతూ, బాధితులకు అండగా నిలవాలని సూచించారు. అణగారిన వర్గాల అభ్యున్నతి కోసం ఆయన చేసిన కృషి ఎప్పటికీ మరువలేనిదని స్మరించుకున్నారు.

"అంబేద్కర్ రాసిన రాజ్యాంగమే నేడు మనందరికీ రక్షణ కవచం. ఆయన చూపిన బాటలో నడవడమే మనం ఆయనకు ఇచ్చే అసలైన నివాళి." > — ఇందిర, అడ్మిన్ డీసీపీ