​వనస్థలిపురం:

భారత జాతి వీరత్వానికి ప్రతీక, హిందూ ధర్మ రక్షకుడు ఛత్రపతి శివాజీ మహారాజ్ అని, ఆయన చూపిన బాటలో యువత పౌరుషాగ్నితో ముందుకు సాగాలని మాజీ కార్పొరేటర్ మొద్దు లచ్చిరెడ్డి పిలుపునిచ్చారు. ఛత్రపతి శివాజీ మహారాజ్ 396వ జయంతిని పురస్కరించుకుని బి.ఎన్. రెడ్డి నగర్ డివిజన్ పరిధిలో మంగళవారం మహా పాదయాత్రను అత్యంత వైభవంగా నిర్వహించారు.

​ఎస్.కె.డి నగర్ చౌరస్తా నుండి శ్రీపురం కాలనీలోని శివాజీ విగ్రహం వరకు సాగిన ఈ పాదయాత్రకు భక్తజనం, యువత పెద్ద ఎత్తున తరలివచ్చారు. ఈ కార్యక్రమానికి ముఖ్య అతిథులుగా శ్రీ రేణుక రాజరాజేశ్వరి పీఠం నిర్వాహకులు మోల్లూరి నవీన్ శర్మ, విశ్వహిందూ పరిషత్ జాతీయ అధికార ప్రతినిధి రావినూతల శశిధర్, రంగారెడ్డి అర్బన్ జిల్లా అధ్యక్షులు వనపల్లి శ్రీనివాస్ రెడ్డి హాజరయ్యారు.

​సంస్కృతి: తల్లిదండ్రులు చిన్ననాటి నుండే పిల్లలకు రామాయణ, భారత గాథలతో పాటు శివాజీ చరిత్రను బోధించాలి.

​స్ఫూర్తి: మరాఠా స్వరాజ్యం కోసం ప్రాణాలర్పించిన ఆ మహాయోధుని త్యాగాలను స్మరించుకోవడం ప్రతి భారతీయుడి బాధ్యత అని పేర్కొన్నారు.

​ఘనంగా అన్నప్రసాద వితరణ:

​పాదయాత్ర అనంతరం శ్రీపురం కాలనీలోని శివాజీ విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా భక్తులకు, స్థానికులకు భారీగా అన్నప్రసాద వితరణ కార్యక్రమం చేపట్టారు.

​ఈ కార్యక్రమంలో మనసురాబాద్ మాజీ కార్పొరేటర్ కొప్పుల నరసింహారెడ్డి, ఎల్బీనగర్ అసెంబ్లీ కన్వీనర్ కొత్త రవీందర్ గౌడ్, బీజేపీ డివిజన్ అధ్యక్షుడు విష్ణువర్ధన్ రావు, జిల్లా అధికార ప్రతినిధి శ్రీధర్ రావు, ప్రధాన కార్యదర్శి గంగం ప్రేమ్ నాథ్, విష్ణువర్ధన్ రెడ్డి మరియు పెద్ద సంఖ్యలో హిందూ బంధువులు పాల్గొన్నారు.