హైదరాబాద్: 

సికింద్రాబాద్ గాంధీ ప్రభుత్వ ఆసుపత్రిలో స్థానిక కొనుగోళ్ల (లోకల్ పర్చేస్) పేరుతో జరిగిన బహుళ కోట్ల రూపాయల మందుల కొనుగోళ్ల కుంభకోణంపై హైకోర్టు సిట్టింగ్ న్యాయమూర్తితో తక్షణమే న్యాయ విచారణ జరిపించాలని అఖిల భారత యువజన సమాఖ్య (ఏఐవైఎఫ్) తెలంగాణ రాష్ట్ర సమితి డిమాండ్ చేసింది. ఈ మేరకు సంస్థ రాష్ట్ర అధ్యక్షుడు వలి ఉల్లా ఖాద్రీ, ప్రధాన కార్యదర్శి కల్లూరు ధర్మేంద్ర ఒక సంయుక్త ప్రకటన విడుదల చేశారు.

అధికారుల అండతోనే రూ.6 కోట్ల దోపిడీ?
గాంధీ ఆసుపత్రిలో రూ.7 కోట్ల విలువైన మందుల కొనుగోలుకు ఏకంగా రూ.13 కోట్ల బిల్లులు సృష్టించి ప్రభుత్వ ఖజానాను లూటీ చేశారనే ఆరోపణలు అత్యంత దిగ్భ్రాంతికరమని ఏఐవైఎఫ్ నేతలు పేర్కొన్నారు. పేదలకు ఉచితంగా వైద్యం అందించాల్సిన పవిత్ర దేవాలయాల లాంటి ప్రభుత్వ ఆసుపత్రులను కొందరు అవినీతి అధికారులు, ప్రైవేట్ కాంట్రాక్టర్లు తమ స్వంత ఆదాయ వనరుగా మార్చుకోవడం దారుణమన్నారు. నిరుపేద రోగులను బయటి మెడికల్ షాపుల నుంచి మందులు కొనుగోలు చేయాల్సిందిగా ఒత్తిడి తెస్తూ, లోపల మాత్రం కోట్ల రూపాయల నిధులను కాజేయడం ముమ్మాటికీ మానవతా రహిత చర్య అని దుయ్యబట్టారు.

*గత ఐదేళ్ల కొనుగోళ్లపై ప్రత్యేక తనిఖీలు చేపట్టాలి.
ఈ కుంభకోణంపై కేవలం నామమాత్రపు శాఖాపరమైన విచారణలతో కాలయాపన చేయకుండా, తక్షణమే క్రిమినల్ కేసులు నమోదు చేసి బాధ్యులను అరెస్ట్ చేయాలని ఏఐవైఎఫ్ డిమాండ్ చేసింది. దీనితో పాటు ఈ క్రింది చర్యలు చేపట్టాలని పట్టుబట్టింది:
 *రాష్ట్రవ్యాప్త ఆడిట్: 
గత ఐదేళ్లుగా రాష్ట్రంలోని అన్ని ప్రభుత్వ బోధనాసుపత్రులు, జిల్లా, ప్రాంతీయ ఆసుపత్రులు, ప్రాథమిక ఆరోగ్య కేంద్రాలలో జరిగిన స్థానిక కొనుగోళ్లు, మందుల నాణ్యతపై తక్షణమే ప్రత్యేక ఆర్థిక తనిఖీలు (స్పెషల్ ఆడిట్) జరిపి నివేదికను బహిరంగపరచాలి.