*హైదరాబాద్: 

నగరంలో వర్షాకాలం వస్తే చాలు లోతట్టు ప్రాంతాల ప్రజల గుండెల్లో రైళ్లు పరిగెడతాయి. దశాబ్దాలుగా పేరుకుపోయిన వ్యర్థాలతో మూసుకుపోయిన నాలాలే దీనికి ప్రధాన కారణం. ముఖ్యంగా మెహిదీపట్నం, విజయనగర్ కాలనీ, ఏసీ గార్డ్స్, మల్లేపల్లి, నాంపల్లి ప్రాంతాల నుంచి వరద నీటిని మూసీ నదికి చేర్చే అత్యంత కీలకమైన 'ఆఘాపురా నాలా' చుట్టుపక్కల ప్రజలకు నరకం చూపించింది. అయితే, తాజాగా ‘హైడ్రా’ (హైదరాబాద్ విపత్తు ప్రతిస్పందన, ఆస్తుల పర్యవేక్షణ, రక్షణ సంస్థ) చేపట్టిన మెరుపు ఆపరేషన్‌తో ఈ నాలాకు ఎట్టకేలకు విముక్తి లభించింది.

*వ్యర్థాల నిలయంగా మారిన నాలా
ఇళ్లలో పనికిరాని వస్తువులన్నింటికీ ఈ నాలా అడ్రస్‌గా మారింది. పరుపులు, దిండ్లు, పాత దుప్పట్లు, కుర్చీలు, సోఫా రెగ్జిన్ ముక్కలతో నాలా పూర్తిగా నిండిపోయింది. దారుస్సలాం వద్ద ఉన్న కల్వర్టు (చిన్న వంతెన) దగ్గర ఈ వ్యర్థాలన్నీ కొండలా పేరుకుపోవడంతో వరద నీరు ముందుకు సాగలేని పరిస్థితి ఏర్పడింది. దీనికి సంబంధించిన దృశ్యాలు సామాజిక మాధ్యమాల్లో (సోషల్ మీడియా) విస్తృతంగా వైరల్ కావడంతో ‘హైడ్రా’ తక్షణమే స్పందించింది.

 *వైరల్ విమర్శలు - అసలు నిజం: అయితే, పని చేసేటప్పుడు కొంతమంది సిబ్బంది అసౌకర్యం వల్ల వాటిని ధరించకుండా పని చేశారు. దీన్ని కూడా కొందరు సామాజిక మాధ్యమాల్లో పెట్టి విమర్శలు గుప్పించారు. కానీ, హైడ్రా శ్రేణులు ఈ విమర్శలను పట్టించుకోకుండా తమ బాధ్యతనే శ్వాసగా భావించి ముందుకు సాగాయి.

*అధికారుల నిరంతర పర్యవేక్షణ:
ఈ క్లీన్ ఆపరేషన్‌ను హైడ్రా ప్రాంతీయ అటవీ అధికారి (ఆర్‌ఎఫ్‌ఓ) జయప్రకాష్, సహాయక అగ్నిమాపక అధికారి (ఎస్‌ఎఫ్‌ఓ) బి. చరణ్ కుమార్ ప్రతిరోజూ క్షేత్రస్థాయిలో ఉండి పర్యవేక్షించారు. సిబ్బందిని సమన్వయం చేస్తూ పనులను వేగవంతం చేశారు.

*ఊపిరి పీల్చుకున్న స్థానికులు
ఒక్క వారం రోజుల్లోనే నాలా స్వరూపం పూర్తిగా మారిపోయింది. అద్దంలా మెరుస్తున్న నాలాను చూసి స్థానికులు, ఆ మార్గంలో వెళ్లే వాహనదారులు ఆశ్చర్యం వ్యక్తం చేస్తున్నారు. గతంలో ఉన్న అధ్వాన్నపు ఫోటోలను, ప్రస్తుత ఫోటోలను పోల్చి చూస్తూ.. ‘హైడ్రా’ పనితీరుపై ప్రశంసల జల్లు కురిపిస్తున్నారు. రాబోయే వర్షాలకు వరద ముప్పు తప్పుతుందని ఆఘాపురా ప్రజలు ధీమా వ్యక్తం చేస్తున్నారు.