హైదరాబాద్:

గ్రామీణ కళలు, సాంప్రదాయ కులవృత్తుల వైభవానికి అద్దం పడుతూ.. జూలై 16 వ తేదీ నుంచి హైదరాబాద్‌లోని హుస్సేన్ సాగర్ పక్కన ఉన్న హైదరాబాద్ నగర అభివృద్ధి సంస్థ (హెచ్‌ఎండీఏ) మైదానంలో (పెద్ద అంబేద్కర్ విగ్రహం సమీపంలో) రాష్ట్రస్థాయి చేతివృత్తి కళాకారుల వస్తు ప్రదర్శన, విక్రయాల మేళా ప్రారంభం కానుంది. రవాణా, వెనుకబడిన తరగతుల సంక్షేమ శాఖ మంత్రి పొన్నం ప్రభాకర్ ఈ విషయాన్ని అధికారికంగా ప్రకటించారు.
బోనాల పండుగకు కావలసిన అన్ని రకాల సాంప్రదాయ ఉత్పత్తులను ఒకే చోట నగర ప్రజలకు అందుబాటులో ఉంచడమే ఈ మేళా యొక్క ముఖ్య ఉద్దేశం. బోనాలు కేవలం ఆధ్యాత్మిక ఉత్సవమే కాకుండా, తెలంగాణ సంస్కృతిని, చేతివృత్తుల జీవన విధానాన్ని ప్రతిబింబించే ఒక మహా వేడుక అని ఈ సందర్భంగా అధికారులు పేర్కొన్నారు.

*ఒకే వేదికపై అన్ని కులవృత్తుల సమాహారం
ఈ ప్రదర్శనలో రాష్ట్రవ్యాప్తంగా ఉన్న కుమ్మరి, కమ్మరి, వడ్రంగి, విశ్వబ్రాహ్మణ, పద్మశాలి, చేనేత కళాకారులు, స్వర్ణకారులు, రాతి శిల్పులు, బుట్టల తయారీదారులు, తోలు కళాకారులు వంటి అనేక సాంప్రదాయ వృత్తుల వారికి ప్రత్యేక విక్రయ కేంద్రాలను (స్టాల్స్) కేటాయించారు. దళారుల ప్రమేయం లేకుండా కళాకారులు తాము తయారు చేసిన వస్తువులను నేరుగా ప్రజలకు విక్రయించుకునేలా ఈ ఏర్పాట్లు చేశారు.

సాంప్రదాయ వస్తువులు: వెదురు బుట్టలు, గంపలు, జల్లెడలు, వెదురు అలంకరణ వస్తువులు, చేక్కతో చేసిన పూజా పీటలు, చిన్న మండపాలు.
*ఉత్సవ పరికరాలు:పోతురాజు ఉపయోగించే కొరడాలు, కాళ్ల గజ్జెలు, బోనం అలంకరణ వస్త్రాలు, గాజులు, పూసల సామగ్రి.
*సంగీత వాయిద్యాలు:
డప్పులు, డోలు వంటి సాంప్రదాయ బోనాల వాయిద్యాలు.

*కళాకారుల కుటుంబాలకు భరోసా ఇద్దాం!
ప్రభుత్వం చేతివృత్తుల పరిరక్షణకు, సాంప్రదాయ కళాకారుల జీవనోపాధిని బలోపేతం చేయడానికి ప్రత్యేక ప్రాధాన్యత ఇస్తోందని రౌరవ శాఖ పేర్కొంది. గ్రామీణాభివృద్ధి సంస్థ, సొసైటీ ఫర్ ఎలిమినేషన్ ఆఫ్ రూరల్ పోవర్టీ (సెర్ప్) సంయుక్త ఆధ్వర్యంలో ఈ మేళా నిర్వహిస్తున్నారు. యువతను సైతం ఈ సాంప్రదాయ వృత్తుల వైపు ఆకర్షించేలా, వారికి మార్కెట్ సౌకర్యం కల్పించేలా ప్రణాళికలు సిద్ధం చేశారు.
బోనాల ఉత్సవాల సందర్భంగా నగరానికి వచ్చే భక్తులు, ప్రజలు పెద్ద ఎత్తున ఈ ప్రదర్శనను సందర్శించి వస్తువులను కొనుగోలు చేయాలని అధికారులు విజ్ఞప్తి చేశారు. మనం కొనే ప్రతి వస్తువు ఒక కళాకారుడి కుటుంబానికి ఆర్థిక భరోసానిస్తుందని, సాంప్రదాయ వృత్తులను బతికిస్తుందని పిలుపునిచ్చారు. ఈ రాష్ట్రస్థాయి మేళాను విజయవంతం చేసేందుకు మంత్రులు, శాసనసభ్యులు, ప్రజాప్రతినిధులు కూడా పెద్ద ఎత్తున హాజరుకానున్నారు.