​హైదరాబాద్:

దేశ భవిష్యత్తు ప్రణాళికలు, ప్రభుత్వ పాలసీల రూపకల్పనలో జనాభా గణన అత్యంత కీలక పాత్ర పోషిస్తుందని రాష్ట్ర సెన్సస్ డైరెక్టర్ భారతి హోళికేరి పేర్కొన్నారు. 2027 జనగణనను అత్యంత పకడ్బందీగా నిర్వహించాలని, క్షేత్రస్థాయిలో ఉన్న జనాభా వివరాలు ఉన్నది ఉన్నట్లుగా నివేదికల్లో ప్రతిబింబించాలని ఆమె స్పష్టం చేశారు. బుధవారం జీహెచ్‌ఎంసీ ప్రధాన కార్యాలయంలో ఛార్జ్ సెన్సస్ ఆఫీసర్లు, అదనపు ఆఫీసర్లకు ‘హౌస్ లిస్టింగ్, హౌసింగ్ సెన్సెస్’ (HLO) పై ఏర్పాటు చేసిన మూడు రోజుల శిక్షణ కార్యక్రమాన్ని ఆమె ప్రారంభించారు.

​రెండు దశల్లో ప్రక్రియ
​జనగణన ప్రక్రియ ప్రధానంగా రెండు దశల్లో సాగుతుందని భారతి హోళికేరి వివరించారు:
​మొదటి దశ: ఇళ్ల జాబితా సేకరణ, గృహ గణన. ఇందులో ఇంటి స్థితిగతులు, అందులోని సౌకర్యాల సమాచారాన్ని సేకరిస్తారు.

తెలంగాణ రాష్ట్రం ఏర్పడిన తర్వాత జరుగుతున్న తొలి సెన్సస్ కావడంతో, దీనిని ఇతర రాష్ట్రాలకు ఆదర్శంగా నిలిచేలా విజయవంతం చేయాలని పిలుపునిచ్చారు.

​ఒక్క కుటుంబం కూడా మిస్ కావొద్దు: కమిషనర్
​ప్రిన్సిపల్ సెన్సస్ ఆఫీసర్, జీహెచ్‌ఎంసీ కమిషనర్ ఆర్.వి. కర్ణన్ మాట్లాడుతూ.. నగర పరిధిలోని ప్రతి ఎన్యుమరేషన్ బ్లాక్‌లో ప్రతి ఇంటిని సందర్శించి నాణ్యమైన సమాచారాన్ని సేకరించాలని అధికారులను ఆదేశించారు. ప్రజల జీవన ప్రమాణాలను మెరుగుపరిచే పథకాల రూపకల్పనకు ఈ డేటానే ఆధారమని ఆయన గుర్తు చేశారు. సమగ్రమైన, ఖచ్చితమైన సమాచార సేకరణ ద్వారానే ప్రజాస్వామ్యం బలోపేతం అవుతుందని పేర్కొన్నారు.
​ఈ కార్యక్రమంలో జీహెచ్‌ఎంసీ అదనపు కమిషనర్ చంద్రకళ, మాస్టర్ ట్రైనర్లు మరియు వివిధ విభాగాల అధికారులు పాల్గొన్నారు.