హైదరాబాద్:

మున్సిపల్ కార్పొరేషన్లలో అధికారుల పెత్తనం హద్దులు దాటుతోంది. క్షేత్రస్థాయిలో చెమటోడ్చే సిబ్బందికి అండగా నిలవాల్సిన ఉన్నతాధికారులు.. వేధింపులే లక్ష్యంగా పని చేస్తున్నారనే ఆరోపణలు వెల్లువెత్తుతున్నాయి. ముఖ్యంగా ఉప్పల్ జోనల్ కమిషనర్ తీరుపై 'భాగ్యనగర్ మున్సిపల్ జీహెచ్‌ఎంసీ ఎంప్లాయీస్ యూనియన్' నిప్పులు చెరిగింది. సిబ్బందిని మానసికంగా కుంగదీస్తూ, విధుల్లో నరకం చూపిస్తున్న సదరు అధికారిని తక్షణమే బదిలీ చేయాలంటూ ప్రభుత్వ ముఖ్య కార్యదర్శికి వినతిపత్రం సమర్పించింది.

నిబంధనల సాకు.. వేధింపులే గురి!
మల్కాజిగిరి మున్సిపల్ పరిధిలో పని చేస్తున్న బూత్ స్థాయి అధికారుల (బీఎల్ఓ) విద్యార్హతలపై నిబంధనలను సాకుగా చూపి అధికారులు చెలగాటం ఆడుతున్నారు. 2025 ఎన్నికల నిబంధనల ప్రకారం బీఎల్ఓలు పదో తరగతి ఉత్తీర్ణులై ఉండాలి. అయితే, క్షేత్రస్థాయిలో వాస్తవ పరిస్థితులు వేరుగా ఉన్నాయని, అవగాహన కల్పించాల్సింది పోయి వారిని 'టార్గెట్' చేయడం ఎంతవరకు సమంజసమని యూనియన్ ప్రశ్నిస్తోంది.

 బదిలీలపై మొండిచేయి: వ్యక్తిగత కారణాలతో బదిలీ కోరిన వారికి సైతం కనికరం లేకుండా వ్యవహరించడం.

కార్మికుల డిమాండ్లు:
 1. ఉప్పల్ జోనల్ కమిషనర్‌ను తక్షణమే బదిలీ చేయాలి.
 2. అకారణంగా సస్పెండ్ చేసిన వారందరినీ తిరిగి విధుల్లోకి తీసుకోవాలి.
 3. క్షేత్రస్థాయి సిబ్బందిపై దుర్భాషలాడటం, కక్షసాధింపు చర్యలు ఆపాలి.
ఉద్యోగుల ఆవేదనను పరిగణనలోకి తీసుకోకపోతే ఆందోళన ఉధృతం చేస్తామని యూనియన్ నేతలు హెచ్చరించారు.