జాలిగామలో ఉపాధి కూలీలకు రాగిజావా పంపిణీ

On 30 Apr 2026 10:18:25

గజ్వేల్:

సిద్దిపేట జిల్లా గజ్వేల్ మండలం జాలిగామ గ్రామంలో ఉపాధి హామీ కూలీలకు ఉపశమనం లభించింది. పెరుగుతున్న ఎండల దృష్ట్యా, ఒకటో వార్డు మెంబర్ చిట్యాల ఎల్లం ఆధ్వర్యంలో బుధవారం కూలీలకు రాగిజావా పంపిణీ చేశారు. ఈ సందర్భంగా వారు మాట్లాడుతూ ఎండ తీవ్రత అధికంగా ఉన్నందున కూలీలు వడదెబ్బకు గురికాకుండా ఉండేందుకు ఈ కార్యక్రమం చేపట్టినట్లు తెలిపారు. ఉపాధి పనుల వద్ద కూలీల ఆరోగ్యం పట్ల శ్రద్ధ వహించడం తమ బాధ్యతని పేర్కొన్నారు. ఈ కార్యక్రమంలో గ్రామ సర్పంచ్ తాళ్ల సునీత ఆంజనేయులు గౌడ్, ఉప సర్పంచ్ కొమురయ్య, వార్డు మెంబర్ న్యాకం మనోహర్, ఫీల్డ్ అసిస్టెంట్ మాచపురం కృష్ణ, రాజలింగం, ఉపాధి హామీ కూలీలు మరియు గ్రామస్తులు పెద్ద సంఖ్యలో పాల్గొన్నారు.