వైభవంగా సాహెబ్‌నగర్ అంజన్న జాతర

స్వామివారిని దర్శించుకున్న మాజీ కార్పొరేటర్ మొద్దు లచ్చిరెడ్డి

On 06 May 2026 10:16:34

వనస్థలిపురం:

సాహెబ్‌నగర్‌లోని శ్రీ త్రినేత్ర ఆంజనేయస్వామి జాతర మంగళవారం అత్యంత వైభవంగా జరిగింది. జాతర సందర్భంగా ఆలయానికి భక్తులు పోటెత్తారు. బి.ఎన్. రెడ్డి నగర్ డివిజన్ మాజీ కార్పొరేటర్ మొద్దు లచ్చిరెడ్డి ఆలయాన్ని సందర్శించి స్వామివారికి ప్రత్యేక పూజలు నిర్వహించారు.

భక్తిశ్రద్ధలతో పూజలు:
ఈ సందర్భంగా లచ్చిరెడ్డి మాట్లాడుతూ.. ప్రతి ఏటా సాహెబ్‌నగర్ అంజన్న జాతరను రంగరంగ వైభవంగా నిర్వహించడం సంతోషదాయకమని పేర్కొన్నారు. స్వామివారి కృపాకటాక్షాలు భక్తులందరిపై ఉండాలని ఆయన ఆకాంక్షించారు. ఈ జాతర స్థానిక ఆధ్యాత్మికతకు ప్రతీకగా నిలుస్తోందని వెల్లడించారు.

పాల్గొన్న ముఖ్యులు:
ఈ కార్యక్రమంలో ఆలయ చైర్మన్ శ్రీనివాస్ గౌడ్, స్థానిక నాయకులు చిన్న యాదవ్, బీజేవైఎం డివిజన్ అధ్యక్షుడు సురేష్ కుమార్ తదితరులు పాల్గొన్నారు. భక్తులకు ఎటువంటి ఇబ్బందులు కలగకుండా ఆలయ కమిటీ సభ్యులు తగిన ఏర్పాట్లు చేశారు.