హైదరాబాద్:
నగర నడిబొడ్డున మహిళల భద్రత ఎంతటి దయనీయ స్థితిలో ఉందో చాటిచెప్పే ఉదంతం ఇది. సాక్షాత్తూ మల్కాజ్గిరి డీసీపీ (ఐపీఎస్ అధికారిణి) సుమతి గారే రంగంలోకి దిగి చేసిన సాహసోపేతమైన ఆపరేషన్, ఈ నగరంలోని ‘చదువుకున్న’ మృగాల అసలు స్వరూపాన్ని బయటపెట్టింది. అర్ధరాత్రి వేళ ఒంటరి మహిళ కనిపిస్తే కామపిశాచులు ఎలా విరుచుకుపడతారో ఈ ఘటన అద్దం పడుతోంది.
సామాన్య మహిళగా రంగంలోకి..*
దిల్సుఖ్నగర్ పరిసర ప్రాంతాల్లో మహిళలపై వేధింపులు పెరుగుతున్నాయన్న ఫిర్యాదులతో ఐపీఎస్ అధికారిణి సుమతి గారు వినూత్నంగా స్పందించారు. మంగళవారం అర్ధరాత్రి 12 గంటల సమయంలో ఎటువంటి సెక్యూరిటీ లేకుండా, సివిల్ డ్రస్సులో ఒక సాధారణ మహిళగా ఆమె రోడ్డుపై నిల్చున్నారు. రక్షణ కల్పించాల్సిన రక్షక భటులే కనుచూపు మేరలో లేని వేళ, అరాచక శక్తులు రెచ్చిపోయాయి.
ఒంటరిగా ఉన్న ఆమెను చూసి బైకులపై వెళ్తున్న పోకిరీలు చుట్టుముట్టారు. "వస్తావా.. రేటెంత?" అంటూ అసభ్యంగా ప్రశ్నిస్తూ, వాహనాలు ఎక్కాలంటూ తీవ్రంగా వేధించారు. ఆమె ఐపీఎస్ అధికారిణి అన్న కనీస స్పృహ లేకుండా, మత్తులో ఉన్న ఆ చదువుకున్న ‘చవటలు’ సంస్కారం మరిచి ప్రవర్తించారు. తెల్లవారుజామున 3:30 గంటల వరకు సాగిన ఈ ఆపరేషన్లో సుమారు 40 మందిని పోలీసులు అదుపులోకి తీసుకున్నారు.
### *నిద్రమత్తులో యంత్రాంగం..*
సుమారు మూడున్నర గంటల పాటు ఈ దారుణం జరుగుతున్నా, పరిధిలోని మూడు పోలీస్ స్టేషన్ల సిబ్బంది అటువైపు కన్నెత్తి చూడకపోవడం గమనార్హం. సామాన్య మహిళల రక్షణ విషయంలో క్షేత్రస్థాయి పోలీసులు ఎంత నిర్లక్ష్యంగా ఉన్నారో ఈ ఘటన నిరూపించింది. బాధ్యతారాహిత్యంగా వ్యవహరించిన పోలీసులపై కఠిన చర్యలు తీసుకోవాలని, వారికి కూడా కౌన్సిలింగ్ ఇవ్వాలని స్థానిక మహిళలు డిమాండ్ చేస్తున్నారు.
### *మత్తులో యువత.. హాస్టళ్లలో సోదాలు*
పట్టుబడ్డ వారిలో అత్యధికులు చుట్టుపక్కల ఉండే విద్యార్థులు, ఉద్యోగులే కావడం ఆందోళన కలిగిస్తోంది. గంజాయి, మద్యం మత్తులో వీరు ఈ వికృత చేష్టలకు పాల్పడినట్లు సమాచారం. ఈ క్రమంలోనే పరిసరాల్లోని హాస్టళ్లలో ఉంటున్న వారి వివరాలు, గుర్తింపు కార్డులను పోలీసులు సేకరించారు.
** నేడు జరగాల్సిన హాస్టల్ యజమానుల అత్యవసర సమావేశం అనివార్య కారణాల వల్ల రద్దయినట్లు అధికారులు వెల్లడించారు.
* ఐపీఎస్ స్థాయి అధికారిణికే ఇటువంటి పరిస్థితి ఎదురైతే, అత్యవసర పనుల మీద అర్ధరాత్రి బయటకు వచ్చే సామాన్య మహిళల పరిస్థితి ఏమిటి? ఇప్పటికైనా నైట్ పెట్రోలింగ్ను కట్టుదిట్టం చేయాల్సిన అవసరం ఎంతైనా ఉంది.
About The Author
.jpeg)
.jpeg)
.jpeg)
.jpeg)
