హైదరాబాద్:

 ఉప్పల్ స్టేడియం మరోమారు క్రికెట్ సమరానికి సిద్ధమైంది. బుధవారం మధ్యాహ్నం సన్ రైజర్స్ హైదరాబాద్, పంజాబ్ కింగ్స్ జట్ల మధ్య పోరు జరగనుంది. ఈ నేపథ్యంలో ఉప్పల్ పరిసరాల్లో ట్రాఫిక్ పోలీసులు భారీ ఆంక్షలు విధించారు. మ్యాచ్ ముగిసే వరకు (అర్ధరాత్రి 12 గంటల వరకు) ఈ ఆంక్షలు అమలులో ఉంటాయని, వాహనదారులు సహకరించాలని మల్కాజ్గిరి ట్రాఫిక్ పోలీసులు కోరారు.

దారి మళ్లింపులు ఇలా..
భారీ వాహనాలు (లారీలు, ప్రైవేట్ బస్సులు, డీసీఎంలు) ఈ మార్గాల్లో వెళ్లడం నిషిద్ధం:
 వరంగల్ మార్గం: వరంగల్ నుంచి వచ్చే భారీ వాహనాలు ఘట్‌కేసర్ వద్దే ఓఆర్ఆర్ (ORR) ఎక్కి అబ్దుల్లాపూర్‌మెట్ మీదుగా నగరం లోకి రావాలి.
 
ఎల్బీనగర్ నుంచి: నాగోల్ మెట్రో స్టేషన్ వద్ద యూ-టర్న్ తీసుకుని భగ్యాత్, చెంగిచెర్ల మీదుగా వెళ్లాలి.
 తార్నాక నుంచి: హబ్సిగూడ వద్దే నాచారం, చెర్లపల్లి వైపు దారి మళ్లిస్తారు.
 రామంతాపూర్ వైపు: స్ట్రీట్ నం.8 వద్దే వాహనాలను నిలిపివేసి హబ్సిగూడ వైపు మళ్లిస్తారు.

 * ఇండస్ట్రియల్ ఏరియా:* ఎల్జీ గోదాం నుంచి కెమ్‌వేదా వరకు రోడ్డు పక్కన వాహనాలు నిలుపుకోవచ్చు.

ప్రయాణికులకు పోలీసుల విజ్ఞప్తి

"ఉప్పల్, హబ్సిగూడ, నాగోల్ మార్గాల్లో ప్రయాణించే వారు వీలైనంత వరకు ప్రత్యామ్నాయ మార్గాలను ఎంచుకోవాలి. ప్రేక్షకులు వ్యక్తిగత వాహనాల కంటే మెట్రో, ఆర్టీసీ బస్సుల్లో రావడం వల్ల ట్రాఫిక్ ఇబ్బందులు తగ్గుతాయి."

డీసీపీ, ట్రాఫిక్-II, మల్కాజ్గిరి.

మధ్యాహ్నం 12 గంటల నుంచే ఉప్పల్ జంక్షన్, హబ్సిగూడ, నాగోల్ రోడ్లలో వాహనాల రద్దీ పెరిగే అవకాశం ఉంది. అత్యవసర పనులు ఉన్నవారు మినహా మిగిలిన వారు ఈ మార్గాలను నివారించడం శ్రేయస్కరం.