రోడ్డు పనుల్లో జాప్యంపై ఆగ్రహం

On 15 May 2026 10:15:04

నెలలు గడుస్తున్నా పూర్తికాని పనులు
ప్రజల ఇబ్బందులు పట్టవా? అధికారులపై మాజీ కార్పొరేటర్ మండిపాటు

ఎల్బీనగర్:

బి.ఎన్. రెడ్డి నగర్ డివిజన్ పరిధిలోని ఎన్జీవోస్ కాలనీ గణేష్ ఆలయం సమీపంలో సాగుతున్న రోడ్డు పనుల జాప్యంపై మాజీ కార్పొరేటర్ మొద్దు లచ్చిరెడ్డి అసహనం వ్యక్తం చేశారు. గురువారం ఆయన స్థానిక నాయకులతో కలిసి నిర్మాణ పనులను పరిశీలించారు. ఈ సందర్భంగా ఆయన మాట్లాడుతూ అధికారుల నిర్లక్ష్యం కారణంగానే పనులు నత్తనడకన సాగుతున్నాయని విమర్శించారు.

నెలలు గడుస్తున్నా పట్టించుకోరా?
రోడ్డు పనులను ప్రారంభించి నెలలు గడుస్తున్నా, నేటికీ పూర్తి చేయకపోవడంపై ఆయన మండిపడ్డారు. పనులు అసంపూర్తిగా ఉండటంతో వాహనదారులు, స్థానిక ప్రజలు తీవ్ర ఇబ్బందులు పడుతున్నారని ఆవేదన వ్యక్తం చేశారు. సంబంధిత అధికారులతో ఫోన్లో మాట్లాడిన ఆయన, ప్రజల సమస్యలను దృష్టిలో ఉంచుకుని పనులను త్వరితగతిన పూర్తి చేయాలని కోరారు.
నాణ్యత పాటించాలి
కేవలం వేగమే కాకుండా, రోడ్డు నిర్మాణంలో నాణ్యత ప్రమాణాలను కూడా పాటించాలని అధికారులకు సూచించారు. కాలయాపన చేయకుండా యుద్ధ ప్రాతిపదికన పనులు ముగించాలని డిమాండ్ చేశారు. ఈ కార్యక్రమంలో రవిశంకర్, సుధీర్ కుమార్, చిన్న యాదవ్ తదితరులు పాల్గొన్నారు.