హైదరాబాద్:

 విద్యా రంగంలో అప్రతిహత విజయాలతో దూసుకుపోతున్న శ్రీ చైతన్య విద్యాసంస్థలు సామాజిక బాధ్యతలోనూ తమ ప్రత్యేకతను చాటుకున్నాయి. నగరంలో మండుతున్న ఎండలను సైతం లెక్కచేయకుండా విధి నిర్వహణలో ఉన్న పోలీసులకు అండగా నిలిచేందుకు వినూత్న సేవా కార్యక్రమాన్ని చేపట్టాయి.
*విధుల నిర్వహణలో అండగా..*
హైదరాబాద్‌లోని మాధాపూర్, హైటెక్ సిటీ పరిసరాల్లో సోమవారం ప్రధాని నరేంద్ర మోడీ పర్యటించారు. ఈ సందర్భంగా నగరం అంతటా పోలీసులు కట్టుదిట్టమైన భద్రతా ఏర్పాట్లు చేశారు. ఎండ తీవ్రత అధికంగా ఉన్నప్పటికీ, గంటల తరబడి రహదారులపై పహారా కాస్తున్న వందలాది మంది పోలీస్ సిబ్బందికి శ్రీ చైతన్య కావూరి హిల్స్ జోన్ బృందం మజ్జిగ, లస్సీ ప్యాకెట్లు, తాగునీటిని పంపిణీ చేసింది. క్షేత్రస్థాయి నుంచి వార్తలను కవర్ చేస్తున్న మీడియా ప్రతినిధులకు సైతం మజ్జిగ పంపిణీ చేసి వారి దాహార్తిని తీర్చారు.

మానవీయ కోణం
శ్రీ చైతన్య విద్యాసంస్థల డైరెక్టర్ల దిశానిర్దేశంలో జరిగిన ఈ కార్యక్రమాన్ని కావూరి హిల్స్ జోన్ ఎగ్జిక్యూటివ్ డీన్ ఆంజనేయులు, ఏజీఎం శివ ప్రసాద్ పర్యవేక్షించారు. ఈ సందర్భంగా ఆంజనేయులు మాట్లాడుతూ.. "దేశ ప్రధాని పర్యటన వేళ శాంతిభద్రతలను కాపాడటంలో పోలీసులు చేస్తున్న కృషి వెలకట్టలేనిది. ఎండలో వారు పడుతున్న శ్రమను గుర్తించి, స్వల్ప ఉపశమనం కలిగించాలనే లక్ష్యంతో ఈ కార్యక్రమం చేపట్టాం" అని తెలిపారు. విద్యాబోధనతో పాటు విద్యార్థుల్లో సేవా భావాన్ని పెంపొందించడమే లక్ష్యంగా ఇటువంటి సామాజిక కార్యక్రమాలు నిర్వహిస్తున్నట్లు సంస్థ ప్రతినిధులు పేర్కొన్నారు.
శ్రీ చైతన్య బృందం చూపిన ఈ మానవీయ చొరవను అటు పోలీసు అధికారులు, ఇటు ప్రజలు మనస్ఫూర్తిగా అభినందిస్తున్నారు.