నాగోల్ జూన్:
రాక్ టౌన్ కాలనీలో అంతర్జాతీయ యోగా దినోత్సవ వేడుకలు అత్యంత వైభవంగా జరిగాయి. యోగా గురువు మధుసూదన్ రెడ్డి మార్గదర్శకత్వంలో నిర్వహించిన ఈ విశేష కార్యక్రమంలో కాలనీ వాసులు, పరిసర ప్రాంతాల ప్రజలు మరియు యోగా సాధకులు పెద్ద సంఖ్యలో పాల్గొని విజయవంతం చేశారు.
*నిత్య జీవితంలో యోగా భాగం కావాలి: మధుసూదన్ రెడ్డి:
ఈ సందర్భంగా యోగా గురువు మధుసూదన్ రెడ్డి సాధకులకు యోగాసనాల ప్రాముఖ్యతను వివరించారు. నిత్య జీవితంలో యోగాను ఒక భాగం చేసుకోవడం ద్వారా మానసిక ప్రశాంతత, శారీరక దృఢత్వం లభిస్తుందని ఆయన పేర్కొన్నారు. ఆయన ప్రత్యక్ష పర్యవేక్షణలో సాధకులు పలు రకాల ఆసనాలు, ప్రాణాయామం మరియు ధ్యానం చేశారు.
కార్యక్రమం ఇంతటి ఘన విజయం సాధించడం పట్ల రాక్ టౌన్ కాలనీ సంక్షేమ సంఘం (వెల్ఫేర్ అసోసియేషన్) అధ్యక్షుడు ఎర్ర.వినోద్ రెడ్డి తీవ్ర హర్షం వ్యక్తం చేశారు. కాలనీ వాసుల ఆరోగ్య పరిరక్షణే ధ్యేయంగా ఇలాంటి కార్యక్రమాలను నిరంతరం ప్రోత్సహిస్తామని ఆయన ఈ సందర్భంగా స్పష్టం చేశారు.
ఈ కార్యక్రమానికి విచ్చేసి తమ అమూల్యమైన మార్గదర్శకత్వాన్ని అందించిన యోగా గురువు మధుసూదన్ రెడ్డికి అసోసియేషన్ తరపున, కాలనీ వాసుల తరపున ఎర్ర. వినోద్ రెడ్డి ప్రత్యేక కృతజ్ఞతలు తెలియజేశారు.
*ప్రత్యేక ధన్యవాదాలు:
వేడుకల్లో ఉత్సాహంగా పాల్గొని జయప్రదం చేసిన కాలనీ సభ్యులకు, పరిసర కాలనీల మిత్రులకు, శ్రేయోభిలాషులకు మరియు యోగా సాధకులకు అసోసియేషన్ ప్రెసిడెంట్ *ఎర్ర వినోద్ రెడ్డి పేరుపేరునా ధన్యవాదాలు తెలియజేస్తూ, అంతర్జాతీయ యోగా దినోత్సవ శుభాకాంక్షలు ప్రకటించారు..jpeg)
About The Author
.jpeg)
