బాలాపూర్ బొడ్రాయి మహోత్సవాలు: మల్ రెడ్డి రాంరెడ్డికి ఆహ్వానం

ఘనంగా ఏర్పాట్లు.. ఆహ్వాన పత్రికను అందజేసిన కాంగ్రెస్ నాయకులు నరసింహారెడ్డి బృందం

On 22 Jun 2026 10:23:47

*బాలాపూర్:

మహేశ్వరం నియోజకవర్గంలోని గ్రేటర్ హైదరాబాద్ మున్సిపల్ కార్పొరేషన్ (జీహెచ్ఎంసీ) పరిధిలో గల బాలాపూర్‌లో ఈ నెల 25వ తేదీ నుండి ప్రతిష్టాత్మక బొడ్రాయి మహోత్సవ పండుగ ప్రారంభం కానుంది. గ్రామంలో అత్యంత భక్తిశ్రద్ధలతో నిర్వహించనున్న ఈ ఉత్సవాలకు సంబంధించిన అధికారిక ఆహ్వాన పత్రికను తెలంగాణ రాష్ట్ర రహదారుల అభివృద్ధి సంస్థ (టీఎస్‌ఆర్‌డీసీ) చైర్మన్ మల్ రెడ్డి రాంరెడ్డికి కాంగ్రెస్ పార్టీ సీనియర్ నాయకుడు, మాజీ వైస్ చైర్మన్ చిగిరింత నరసింహారెడ్డి నేతృత్వంలోని నాయకుల బృందం అందజేసింది.

*ఉత్సవాలకు ముమ్మర ఏర్పాట్లు
గ్రామ దేవత పండుగగా ఎంతో ప్రాముఖ్యత కలిగిన బొడ్రాయి ప్రతిష్ఠాపన మహోత్సవాన్ని పురస్కరించుకుని బాలాపూర్‌లో ఆధ్యాత్మిక వాతావరణం సంతరించుకుంది. ఈ నెల 25 నుంచి ప్రారంభమయ్యే వేడుకలను అత్యంత వైభవంగా నిర్వహించేందుకు స్థానికులు, కమిటీ సభ్యులు ముమ్మర ఏర్పాట్లు చేస్తున్నారు. ఈ క్రమంలోనే నియోజకవర్గ ప్రముఖులను, ప్రజాప్రతినిధులను ఈ వేడుకలకు ఆహ్వానిస్తున్నారు.

*ఆహ్వానం పలికిన ప్రముఖులు
మల్ రెడ్డి రాంరెడ్డిని ఆయన నివాసంలో కలిసి ఆహ్వాన పత్రికను అందజేసిన వారిలో చిగిరింత నరసింహారెడ్డితో పాటు ప్రముఖ నాయకులు సింగిరెడ్డి పెంటారెడ్డి, వంగేటి ప్రభాకర్ రెడ్డి, పన్నాల రాజేందర్ రెడ్డి, ఎర్ర జైహింద్, బాలింగని జంగయ్య, కృష్ణంరాజు గౌడ్, టేకుల శశిధర్ రెడ్డి, నిరుడు శ్రీరాములు, పగడాల ఉమేష్, శ్రీనివాస్, సాయి కిరణ్ రెడ్డి తదితరులు ఉన్నారు. ఈ సందర్భంగా ఉత్సవాల విశిష్టతను వారు చైర్మన్‌కు వివరించి, వేడుకలకు విచ్చేయాల్సిందిగా కోరారు.