ములుగు బ్యూరో, ఆగస్టు 04 (భారత శక్తి): న్యాయవాది మూలగుండ్ల మల్లారెడ్డి హత్య కేసు ఓ వ్యూహాత్మక మలుపు తిరిగింది. మొదట పోలీసులు చేసిన అనుమానం తలకిందులై కొత్తవిషయాలు వెలుగులోకి వచ్చాయి.నర్సంపేట ప్రాంతంలోని ఎర్రమట్టి క్వారీ,రైసుమిల్లు,అలాగే పలు వ్యాపారాలు నిర్వహిస్తున్నా ఓ వ్యాపారి, ఇద్దరు మాజీ ప్రజప్రతినిధులు,నల్లబెల్లి మండలానికి చెందిన ఓ విలేకరి లను పోలీసులు అదుపులోకి తీసుకుని విచారిస్తుండగా, నర్సంపేటకు చెందిన వ్యాపారి ఈ హత్యపథక రచన చేసినట్లు గుర్తించారు.న్యాయవాది మల్లారెడ్డితో సదరు వ్యాపారి,ములుగు మండలానికి చెందిన ఇద్దరు మాజీ ప్రజాప్రతినిధులకు గత ఏడాది క్రితం, భూమికి సంబంధించిన వివాదం జరిగింది. అందులో ఆ విలేకరి కీలకపాత్ర పోషించారని,ఆ సమస్య ఇప్పటికీ ఉందని చెబుతున్నారు.

ఏడాది కిందనే వరంగల్ లోని ఒక హోటల్ లో వీరంతా సమావేశమై న్యాయవాది హత్యకు వ్యూహారచన చేశారని, విశ్వవసనీయ సమాచారం ప్రకారం రూ: 60 లక్షల ఒప్పందంతో మల్లారెడ్డి మర్డర్ కుట్రను అమలు చేసే బాధ్యత నల్లబెల్లీ కి చెందిన విలేకరి తీసుకున్నాడు. అందులో భాగంగానే కర్నూలు జిల్లాకు చెందిన ముగ్గురిని,
నల్లబెల్లి మండలంలోని ముంచింపుల నుండి ఒకరిని, బోళ్ళోనిపల్లి నుండి మరొకరు;నర్సంపేట గ్రామానికి చెందిన ఒకరితో పాటు మరో ఇద్దిరితో కలిసి
మొత్తం 8 మందిని మూడు బృందాలుగా ఎర్పడి,అనుకున్న ప్రకారం పందికుంట బస్ స్టేజీ సమీపంలోని చెట్లపొదల్లోకి లాక్కెళ్లి కత్తులతో పొడిచి హత్య చేశారు. అనంతరం నల్లబెల్లి మండలం ముచింపుల గ్రామ పరిధిలో మద్యం తో పార్టీ చేసుకుని అర్థరాత్రి దాటాక ఎక్కడివారక్కడికి వెళ్ళిపోయారని సమాచారం.