చేయూత పింఛన్ లబ్ధిదారుల లైవ్‌నెస్ ఆథెంటికేషన్ గడువు 27 వరకు పొడిగింపు

బడంగ్పేట్ సర్కిల్ కార్యాలయంలో కేవైసీ పూర్తి చేసుకోవాలని డిప్యూటీ కమిషనర్ వెల్లడి

On 24 Jun 2026 09:14:34

చేయూత పింఛన్ లబ్ధిదారుల లైవ్‌నెస్ ఆథెంటికేషన్ గడువు 27 వరకు పొడిగింపు

బడంగ్పేట్:

చేయూత పథకం కింద బ్యాంకు ఖాతాల ద్వారా పింఛన్లు పొందుతున్న లబ్ధిదారుల లైవ్‌నెస్ ఆథెంటికేషన్ (కేవైసీ) గడువును ఈ నెల 27వ తేదీ వరకు పొడిగించినట్లు బడంగ్పేట్ సర్కిల్–16 డిప్యూటీ కమిషనర్ వి. సమ్మయ్య ఒక ప్రకటనలో తెలిపారు.

*కార్యాలయంలోనే ఆథెంటికేషన్ ప్రక్రియ
బడంగ్పేట్ సర్కిల్ పరిధిలో బ్యాంకు ఖాతాల ద్వారా పింఛన్లు పొందుతున్న అన్ని వర్గాల చేయూత పింఛన్ లబ్ధిదారులు ఈ అవకాశాన్ని సద్వినియోగం చేసుకోవాలని డిప్యూటీ కమిషనర్ సూచించారు. లబ్ధిదారులందరూ బడంగ్పేట్ సర్కిల్ కార్యాలయానికి వచ్చి తమ లైవ్‌నెస్ ఆథెంటికేషన్‌ను తప్పనిసరిగా పూర్తి చేసుకోవాలని స్పష్టం చేశారు.

*గడువు దాటితే పింఛన్ నిలిచే ప్రమాదం
నిర్ణీత గడువులోపు లైవ్‌నెస్ ఆథెంటికేషన్ పూర్తి చేయని పక్షంలో పింఛన్ చెల్లింపుల్లో జాప్యం లేదా అంతరాయం కలిగే అవకాశం ఉందని డిప్యూటీ కమిషనర్ హెచ్చరించారు. అందువల్ల ప్రతి లబ్ధిదారుడు ఈ విషయాన్ని అత్యంత ప్రాధాన్యంగా తీసుకుని, వెంటనే తమ కేవైసీ ప్రక్రియను పూర్తి చేసుకోవాలని ఆయన కోరారు.