హైదరాబాద్:
భాగ్యనగరాన్ని పరిశుభ్రతకు చిరునామాగా మార్చడమే లక్ష్యంగా అధికారులు పని చేయాలని జీహెచ్ఎంసీ కమిషనర్ ఆర్.వి. కర్ణన్ ఆదేశించారు. పారిశుద్ధ్య కార్యక్రమాల్లో అలసత్వం వహించకుండా, పకడ్బందీగా క్షేత్రస్థాయిలో పనులు చేపట్టాలని జోనల్, డిప్యూటీ కమిషనర్లు మరియు ఇంజనీరింగ్ విభాగం అధికారులను సూచించారు.
శుక్రవారం ఫిల్మ్ నగర్ కొత్త చెరువు ప్రాంతంలో అదనపు కమిషనర్ రఘు ప్రసాద్తో కలిసి కమిషనర్ స్వయంగా పారిశుద్ధ్య పనులను పర్యవేక్షించారు.
11వ రోజుకు చేరిన మెగా శానిటేషన్ డ్రైవ్:
గత నెల డిసెంబర్ 29న ప్రారంభమైన 'జీహెచ్ఎంసీ మెగా స్పెషల్ శానిటేషన్ డ్రైవ్' శుక్రవారంతో 11వ రోజుకు చేరుకుంది. ఈ సందర్భంగా కమిషనర్ మాట్లాడుతూ..వ్యర్థాల తొలగింపు: నగరంలోని 300 వార్డుల్లో దీర్ఘకాలికంగా పేరుకుపోయిన చెత్తను, నిర్మాణ వ్యర్థాలను పూర్తిస్థాయిలో తొలగిస్తున్నట్లు తెలిపారు.
అనాథ వాహనాలపై చర్యలు: రోడ్ల పక్కన వదిలేసి, ట్రాఫిక్ ఇబ్బందులకు కారణమవుతున్న పాత వాహనాలను పోలీసుల సమన్వయంతో వెంటనే తొలగించాలని ఆదేశించారు.
నిరంతర పర్యవేక్షణ:
ఈ నెలాఖరు (జనవరి 31) వరకు ఈ ప్రత్యేక డ్రైవ్ కొనసాగుతుందని, అధికారులు నిరంతరం క్షేత్రస్థాయిలో అందుబాటులో ఉండాలని స్పష్టం చేశారు.
త్వరలో 'మెగా ఈ-వేస్ట్' డ్రైవ్: పర్యావరణ పరిరక్షణకే ప్రాధాన్యం
నగరంలో పేరుకుపోతున్న ఎలక్ట్రానిక్ వ్యర్థాల (e-Waste) శాస్త్రీయ పరిష్కారం కోసం జనవరి 12, 13 తేదీల్లో ప్రత్యేక డ్రైవ్ నిర్వహించనున్నట్లు కమిషనర్ వెల్లడించారు.
పాడైన ఫ్రిజ్లు, వాషింగ్ మెషీన్లు, ఏసీలు, కంప్యూటర్లు, మొబైల్ ఫోన్లు, టీవీలు, బ్యాటరీలు మరియు పవర్ బ్యాంకులు వంటి ఎలక్ట్రానిక్ పరికరాలను ఈ డ్రైవ్ ద్వారా సేకరిస్తారు.
.jpeg)
అవగాహన కార్యక్రమాలు:
ప్రతి వార్డులో తాత్కాలిక సేకరణ కేంద్రాలను ఏర్పాటు చేసినట్లు తెలిపారు.
ఆర్డబ్ల్యూఏలు (RWA), ఎన్జీవోలు, స్వయం సహాయక సంఘాల మహిళల సహకారంతో ప్రజల్లో ఈ-వేస్ట్ వల్ల కలిగే నష్టాలపై అవగాహన కల్పిస్తున్నామన్నారు.
సేకరించిన వ్యర్థాలను శాస్త్రీయ పద్ధతిలో రీసైక్లింగ్ యూనిట్లకు తరలిస్తామని కమిషనర్ పేర్కొన్నారు.
నగరాన్ని పరిశుభ్రంగా ఉంచేందుకు ప్రజలందరూ సహకరించాలని, ఇంటి వద్ద ఉన్న ఈ-వేస్ట్ను ఈ నెల 12, 13 తేదీల్లో మున్సిపల్ సిబ్బందికి అందజేయాలని ఆయన కోరారు.
About The Author
.jpeg)
.jpeg)
