.jpeg)
మల్కాజిగిరి:
వీకెండ్ వచ్చిందంటే చాలు.. కొందరు మందుబాబులు మత్తులో జోగుతూ రోడ్లపైకి వస్తున్నారు. తమ ప్రాణాలతో పాటు ఎదుటివారి ప్రాణాలను సైతం పణంగా పెడుతూ వాహనాలను నడుపుతున్నారు. ఇలాంటి వారిపై మల్కాజిగిరి ట్రాఫిక్ పోలీసులు ఉక్కుపాదం మోపారు. గత వారాంతంలో నిర్వహించిన ప్రత్యేక తనిఖీల్లో భారీగా కేసులు నమోదయ్యాయి.
మత్తులో పట్టుబడింది వీరే..
గత శని, ఆదివారాల్లో నిర్వహించిన డ్రంక్ అండ్ డ్రైవ్ తనిఖీల్లో మొత్తం 242 మంది నిందితులు పట్టుబడ్డారు. వీరిలో అత్యధికులు ద్విచక్ర వాహనదారులే ఉండటం గమనార్హం.ద్విచక్ర వాహనాలు: 211
కార్ల యజమానులు: 17
ఆటో డ్రైవర్లు: 13
భారీ వాహనాలు: 01
పరిమితి దాటితే ముప్పే!
సాధారణంగా రక్తంలో ఆల్కహాల్ శాతం (BAC) 30mg దాటితే నేరంగా పరిగణిస్తారు. అయితే, ఈ తనిఖీల్లో పట్టుబడిన వారిలో కొందరు ప్రమాదకర స్థాయిలో మద్యం సేవించినట్లు పోలీసులు గుర్తించారు. 10 మంది వాహనదారుల్లో 301 నుండి 550 mg మధ్య BAC రీడింగ్ రావడం ట్రాఫిక్ అధికారులను సైతం విస్మయానికి గురిచేసింది. ఈ స్థాయి మత్తులో వాహనం నడపడం అంటే ఆత్మహత్యా సదృశ్యమేనని నిపుణులు హెచ్చరిస్తున్నారు.
జైలు శిక్ష తప్పదు.. బిఎన్ఎస్ సెక్షన్ 105 ప్రయోగం
మద్యం మత్తులో వాహనం నడిపి ఎవరికైనా ప్రాణహాని కలిగిస్తే, ఇకపై కఠిన చర్యలు తప్పవని ట్రాఫిక్ డిసిపి రాహుల్ రెడ్డి స్పష్టం చేశారు. కొత్తగా అమల్లోకి వచ్చిన భారతీయ న్యాయ సంహిత (BNS), 2023 లోని సెక్షన్ 105 కింద 'హత్య కాని నేరపూరిత నరహత్య'గా పరిగణించి కేసులు నమోదు చేస్తామన్నారు. దీనివల్ల నిందితులకు ఏకంగా 10 ఏళ్ల వరకు జైలు శిక్ష పడే అవకాశం ఉంది.కఠినంగా కోర్టు తీర్పులు:
గత వారం (ఫిబ్రవరి 16 - 22) జరిగిన విచారణల్లో 61 డీడీ కేసులు పరిష్కారమయ్యాయి. అందులో ఇద్దరికి జైలు శిక్షతో పాటు జరిమానా విధించగా, ఒకరికి సామాజిక సేవ చేయాలని కోర్టు ఆదేశించింది. మిగిలిన వారికి భారీగా జరిమానాలు విధించారు.
డ్రైవర్లకు పోలీసుల సూచన:
"మద్యం సేవించి వాహనం నడపడం నేరం. పార్టీలు చేసుకున్నప్పుడు ప్రత్యామ్నాయంగా క్యాబ్ సర్వీసులను వినియోగించుకోవాలి లేదా మద్యం సేవించని స్నేహితులతో ఇంటికి వెళ్లాలి. ప్రాణాల కంటే వినోదం ముఖ్యం కాదు."
About The Author
.jpeg)
.jpeg)
.jpeg)
