హైదరాబాద్:
నగరంలో ట్రాఫిక్ కష్టాలను తీర్చేందుకు చేపట్టిన ఎస్ఆర్డీపీ (SRDP), హెచ్-సిటీ (H-City) పనులను యుద్ధ ప్రాతిపదికన పూర్తి చేయాలని జీహెచ్ఎంసీ కమిషనర్ ఆర్.వి. కర్ణన్ ఇంజనీరింగ్ అధికారులను ఆదేశించారు. మంగళవారం జీహెచ్ఎంసీ ప్రధాన కార్యాలయంలో జోనల్ కమిషనర్లు, ప్రాజెక్టు ఇంజనీర్లు, ప్లానింగ్, ఇరిగేషన్, భూసేకరణ అధికారులతో కలిసి ఆయన కీలక ప్రాజెక్టుల పురోగతిపై సమీక్ష నిర్వహించారు.
సమావేశంలో ముఖ్యాంశాలు:
జూన్ 2 లోపు పూర్తి కావాలి: ముసారాంబాగ్ హై లెవెల్ బ్రిడ్జి, నల్గొండ ఎక్స్ రోడ్ ఫ్లైఓవర్ పనులను 'మిషన్ మోడ్'లో చేపట్టి, జూన్ 2వ తేదీ నాటికి పూర్తి చేయాలని స్పష్టం చేశారు.అడ్డంకులు తొలగించండి: పనులకు నిధుల కొరత లేదని, యుటిలిటీ షిఫ్టింగ్ (పైప్లైన్లు, విద్యుత్ తీగలు మార్చడం), పెండింగ్ భూసేకరణ ప్రక్రియలను తక్షణమే పూర్తి చేయాలని సూచించారు. ప్రభుత్వం వద్ద ఏవైనా అంశాలు పెండింగ్లో ఉంటే తన దృష్టికి తీసుకురావాలని కోరారు.
కేబీఆర్ పార్క్ పనులు: కేబీఆర్ పార్క్ పరిసరాల్లో చేపట్టిన ప్రాజెక్టు పనులు వేగంగా సాగేలా చూడాలని, నిర్మాణ ప్రాంతాల్లో ట్రాఫిక్ ఇబ్బందులు తలెత్తకుండా పోలీసులతో సమన్వయం చేసుకోవాలని అధికారులను ఆదేశించారు.క్షేత్రస్థాయి పరిశీలన: ఎస్ఎన్డీపీ (SNDP) కింద చేపట్టిన వరద కాలువల పనులు, ఇతర ఇంజనీరింగ్ సవాళ్లపై అధికారులు కమిషనర్కు పవర్పాయింట్ ప్రజెంటేషన్ ద్వారా వివరించారు.
ఈ సమీక్షా సమావేశంలో జోనల్ కమిషనర్లు అనురాగ్ జయంతి, ముకుంద రెడ్డి, చీఫ్ ఇంజనీర్ సహదేవ్ రత్నాకర్, ప్రత్యేక ఉప కలెక్టర్ రమాదేవి తదితరులు పాల్గొన్నారు.
About The Author
.jpeg)
.jpeg)
.jpeg)
.jpeg)
