హైదరాబాద్‌:

నగరానికి ఏదైనా ఆపద వస్తే.. ప్రభుత్వ యంత్రాంగం కంటే ముందే స్పందించే 'తొలి రక్షకులు' (ఫస్ట్ రెస్పాండర్స్)గా యువతను తీర్చిదిద్దేందుకు హైడ్రా నడుం బిగించింది. 'యువ ఆపద మిత్ర' పథకంలో భాగంగా కఠిన శిక్షణ పూర్తి చేసుకున్న వాలంటీర్ల సేవలను విపత్తుల సమయంలో పూర్తిస్థాయిలో వినియోగించుకోనున్నట్లు హైడ్రా కమిషనర్ ఏవీ రంగనాథ్ ప్రకటించారు. మంగళవారం ఫతుల్‌గూడలోని శిక్షణ కేంద్రంలో వారం రోజుల శిబిరాన్ని ముగించుకున్న 105 మంది వాలంటీర్లకు రంగనాథ్ గారు ధ్రువపత్రాలను అందజేశారు.

​ప్రమాద సమయాల్లో చురుకైన పాత్ర:

​మరో పది మందికి స్ఫూర్తిగా: శిక్షణ పొందిన ప్రతి వాలంటీర్ తన పరిధిలోని మరో పది మందిని సిద్ధం చేయాలని, తద్వారా విపత్తు సమయాల్లో స్థానికులకు భరోసా కల్పించాలని కమిషనర్ సూచించారు.

​పర్యావరణ పరిరక్షణే లక్ష్యం:

కేవలం సహాయక చర్యలకే పరిమితం కాకుండా, పర్యావరణ హితమైన నగర నిర్మాణంలో యువత భాగస్వాములు కావాలని రంగనాథ్ పిలుపునిచ్చారు.
​"నగరాన్ని వరద ముప్పు నుంచి తప్పించడమే హైడ్రా ప్రధాన లక్ష్యం. ఇందులో భాగంగానే చెరువులు, నాలాల పునరుద్ధరణ చేపడుతున్నాం. ప్రభుత్వ భూములు, పార్కుల పరిరక్షణలో యువత సామాజిక బాధ్యతతో వ్యవహరించాలి."
— ఏవీ రంగనాథ్, హైడ్రా కమిషనర్

​నాడు భయం.. నేడు ధైర్యం!

​శిక్షణ పొందిన వాలంటీర్లు తమ అనుభవాలను పంచుకుంటూ.. "గతంలో విపత్తుల సమయంలో ఏం చేయాలో తెలియక భయపడేవాళ్లం. కానీ ఈ వారం రోజుల శిక్షణ మాలో ఆత్మవిశ్వాసాన్ని నింపింది. హైడ్రా అభివృద్ధి చేసిన చెరువులను చూశాక పర్యావరణంపై మాకు అవగాహన పెరిగింది. సమాజానికి సేవ చేసేందుకు సిద్ధంగా ఉన్నాం" అని ధీమా వ్యక్తం చేశారు.
​
​ హైదరాబాద్ నాగోల్ ప్రాంతంలోని ఫతుల్‌గూడ శిక్షణ కేంద్రం కార్యక్రమంలో పాల్గొన్న వారు
అదనపు కమిషనర్ ఆర్. సుదర్శన్, అదనపు డైరెక్టర్ వర్ల పాపయ్య తో పాటుగా హైడ్రా సిబ్బంది హైదరాబాద్ రంగారెడ్డి జిల్లాల నుండి 105 మంది వాలంటీర్లు పాల్గొన్నారు.
​