హయత్నగర్: 

హయత్నగర్ సర్కిల్ టౌన్ ప్లానింగ్ విభాగం ప్రస్తుతం వివాదాలకు నిలయంగా మారింది. నిబంధనల ప్రకారం జరగాల్సిన పనులు అధికారుల ఆధిపత్య పోరులో నలిగిపోతున్నాయి. ముఖ్యంగా డిప్యూటీ కమిషనర్ (DC) వంశీకృష్ణ వ్యవహారశైలితో అటు క్షేత్రస్థాయి అధికారులు, ఇటు సామాన్య ప్రజలు తీవ్ర ఇబ్బందులు ఎదుర్కొంటున్నారు. ప్రభుత్వానికి లక్షలాది రూపాయల ఫీజులు చెల్లించినా, అనుమతుల కోసం నెలల తరబడి వేచి చూడాల్సి వస్తోంది.

​అధికార దర్పం.. ఫైళ్ల తిరస్కరణే పనిగా!

​నిబంధన ఏంచెబుతోంది?: ఆన్‌లైన్‌లో దరఖాస్తు చేసుకున్న 15 రోజుల్లో అనుమతులు రావాలి.

​సమన్వయం సున్నా.. గందరగోళం పరాకాష్ట

​ఒక ఫైలు విషయంలో సందేహాలు ఉంటే సంబంధిత ఏసీపీని పిలిచి చర్చించాల్సింది పోయి, పదేపదే రిటర్న్ చేయడం ద్వారా డిప్యూటీ కమిషనర్ తన అధికార దుర్వినియోగానికి పాల్పడుతున్నారని బాధితులు వాపోతున్నారు. ఒక్కో ఫైలును ఐదు నుంచి పదిసార్లు తిప్పడం వల్ల పని భారం పెరిగి టౌన్ ప్లానింగ్ అధికారులు తలలు పట్టుకుంటున్నారు. డీసీ వైఖరి వల్ల అధికారుల మధ్య సమన్వయం లోపించి, ప్రజలు కార్యాలయాల చుట్టూ ప్రదక్షిణలు చేయాల్సి వస్తోంది.

​కాసుల కక్కుర్తే కారణమా?

​ప్రభుత్వానికి చెల్లించే అధికారిక రుసుములే కాకుండా, అధికారులకు 'అడిగినంత' ఇచ్చుకుంటేనే ఫైళ్లు కదులుతున్నాయనే గుసగుసలు వినిపిస్తున్నాయి. డిప్యూటీ కమిషనర్ తన అధికారాన్ని అడ్డం పెట్టుకుని కావాలనే జాప్యం చేస్తున్నారన్న విమర్శలు వెల్లువెత్తుతున్నాయి. "డబ్బులు కట్టినా అనుమతులు రాకపోతే సామాన్యులు ఎక్కడికి వెళ్లాలి?" అని స్థానికులు ప్రశ్నిస్తున్నారు.

​ఇప్పటికైనా స్పందించేనా?
​ఉన్నతాధికారులు వెంటనే స్పందించి హయత్నగర్ సర్కిల్‌లో నెలకొన్న ఈ ప్రతిష్టంభనను తొలగించాలని ప్రజలు కోరుతున్నారు. సమన్వయ లోపాన్ని సరిదిద్ది, అవినీతికి తావులేకుండా సకాలంలో బిల్డింగ్ పర్మిషన్లు జారీ చేసేలా చర్యలు తీసుకోవాలని డిమాండ్ చేస్తున్నారు.