ఎల్బీనగర్:
ఎల్బీనగర్ నియోజకవర్గం నాగోల్ డివిజన్ పరిధిలోని అనంతుల జంగారెడ్డి కాలనీ వెల్ఫేర్ అసోసియేషన్ నూతన కార్యవర్గ ప్రమాణ స్వీకార మహోత్సవం ఆదివారం ఘనంగా జరిగింది. ఈ కార్యక్రమానికి రాష్ట్ర రోడ్ డెవలప్మెంట్ కార్పొరేషన్ (ఆర్డీసీ) ఛైర్మన్ మల్రెడ్డి రాంరెడ్డి ముఖ్య అతిథిగా హాజరై, నూతన సభ్యులతో ప్రమాణ స్వీకారం చేయించారు.
కాలనీల అభివృద్ధికి ప్రభుత్వం కట్టుబడి ఉంది:
ఈ సందర్భంగా మల్రెడ్డి రాంరెడ్డి మాట్లాడుతూ.. ముఖ్యమంత్రి రేవంత్ రెడ్డి నాయకత్వంలో రాష్ట్రవ్యాప్తంగా అభివృద్ధి పనులు పరుగులు పెడుతున్నాయని పేర్కొన్నారు. ప్రజా సమస్యల పరిష్కారమే ధ్యేయంగా ప్రభుత్వం ముందుకు సాగుతోందని, నియోజకవర్గంలోని ప్రతి కాలనీని ఆదర్శంగా తీర్చిదిద్దుతామని హామీ ఇచ్చారు. ముఖ్యంగా మూసీ సుందరీకరణ ప్రాజెక్టు ద్వారా ఈ ప్రాంత ప్రజల దశాబ్దాల సమస్యలకు శాశ్వత పరిష్కారం లభిస్తుందని ధీమా వ్యక్తం చేశారు.నూతన కార్యవర్గానికి సన్మానం:
అనంతరం కాలనీ నూతన అధ్యక్షులు ప్రవీణ్ రెడ్డి, మాజీ అధ్యక్షులు భాస్కర్, ఉపాధ్యక్షులు రంగారెడ్డి, జనరల్ సెక్రటరీ వెంకటేష్ గౌడ్, జాయింట్ సెక్రటరీ డా. చందు సహా కార్యవర్గ సభ్యులను మల్రెడ్డి రాంరెడ్డి శాలువాలతో ఘనంగా సన్మానించారు. కాలనీ సమస్యల పరిష్కారానికి సంఘం సభ్యులు సమన్వయంతో కృషి చేయాలని ఆయన సూచించారు.ఈ కార్యక్రమంలో హాజరైన ప్రముఖులు
పీసీసీ ప్రధాన కార్యదర్శి ఉప్పల శ్రీనివాస్ గుప్తా, నాగోల్ మాజీ కార్పొరేటర్ చింతల అరుణ సురేందర్ యాదవ్, నాగోల్ సీఐ మక్బూల్ జానీ విశిష్ట అతిథులుగా పాల్గొన్నారు. వీరితో పాటు నాగోల్ డివిజన్ కాంగ్రెస్ అధ్యక్షురాలు మంజులా రెడ్డి, చంపాపేట్ డివిజన్ అధ్యక్షులు శ్రీపాల్ రెడ్డి, మార్కెట్ కమిటీ డైరెక్టర్లు జైపాల్ రెడ్డి, గణేష్ నాయక్, ఆలయ ధర్మకర్తలు కిరణ్, శ్రీనివాస్, నాయకులు వెంకట్రామ్ రెడ్డి, గాంధీ నాయక్ తదితరులు పాల్గొన్నారు..jpeg)
About The Author
.jpeg)
.jpeg)
