హైదరాబాద్:
రాష్ట్ర ప్రభుత్వం ప్రతిష్టాత్మకంగా చేపట్టిన 99 రోజుల "ప్రజా పాలన - ప్రగతి ప్రణాళిక" కార్యక్రమం ద్వారా నగరంలో అనేక సానుకూల మార్పులు రానున్నాయని జీహెచ్ఎంసీ కమిషనర్ ఆర్వీ కర్ణన్ ఆశాభావం వ్యక్తం చేశారు. అన్ని వర్గాల ప్రజల భాగస్వామ్యం, ప్రభుత్వ విభాగాల సమన్వయంతో సాగే ఈ ప్రణాళిక వల్ల నగరవాసుల జీవన ప్రమాణాలు మెరుగుపడతాయని ఆయన పేర్కొన్నారు.
యుద్ధ ప్రాతిపదికన ఆర్ఓబీ పనులు
ప్రగతి ప్రణాళిక ప్రారంభమైన నేపథ్యంలో శుక్రవారం రాజేంద్రనగర్ జోన్, అత్తాపూర్ సర్కిల్ పరిధిలోని శాస్తీపురం ఆర్ఓబీ (ROB) నిర్మాణ పనులను కమిషనర్ క్షేత్రస్థాయిలో పరిశీలించారు. ఈ సందర్భంగా ఆయన మాట్లాడుతూ.. అప్రోచ్ రోడ్లతో పాటు మిగిలి ఉన్న పెండింగ్ పనులన్నింటినీ తక్షణమే పూర్తి చేసి ప్రారంభానికి సిద్ధం చేయాలని అధికారులను ఆదేశించారు. రవాణా సౌకర్యాల మెరుగుదలే లక్ష్యంగా పనులు వేగవంతం చేయాలన్నారు..jpeg)
ఇంటింటా చెత్త సేకరణే లక్ష్యం
పారిశుద్ధ్య నిర్వహణపై ప్రత్యేక దృష్టి సారించిన కమిషనర్.. అత్తాపూర్ పరిధిలో ఇంటింటా చెత్త సేకరణ ప్రక్రియను స్వయంగా తనిఖీ చేశారు.100% సేకరణ: నగరంలో వంద శాతం ఇళ్ల నుంచి చెత్త సేకరించేలా చర్యలు చేపట్టాలని స్వచ్ఛ ఆటో డ్రైవర్లకు సూచించారు.
డెడ్ లైన్: రోడ్లపై ఎక్కడా చెత్త నిల్వలు కనిపించకూడదని, గార్బేజ్ పాయింట్ల వద్ద పేరుకుపోయిన వ్యర్థాలను ప్రతిరోజూ ఉదయం 9 గంటల లోపే ప్రాసెసింగ్ యూనిట్లకు తరలించాలని స్పష్టం చేశారు.
ముస్తాబవుతున్న ఎకో హిల్ పార్క్
ముఖ్యమంత్రి చేతుల మీదుగా ప్రారంభం కానున్న కోత్వాల్గూడ ఎకో హిల్ పార్క్ పనులను కూడా కమిషనర్ పరిశీలించారు. ప్రారంభోత్సవానికి సంబంధించి ఏర్పాట్లపై అధికారులకు దిశానిర్దేశం చేశారు.
సమగ్ర అభివృద్ధి దిశగా అడుగులు
ప్రజా పాలన - ప్రగతి ప్రణాళిక కేవలం పారిశుద్ధ్యానికే పరిమితం కాదని, జీహెచ్ఎంసీలోని అన్ని విభాగాల సమన్వయంతో సమగ్ర అభివృద్ధి సాధిస్తామని కమిషనర్ తెలిపారు.
"పార్కుల అభివృద్ధి, చెరువుల ప్రక్షాళన, మహిళా స్వయం సహాయక సంఘాల బలోపేతం, టౌన్ ప్లానింగ్ మరియు రోడ్డు భద్రత వంటి అంశాలకు ఈ 99 రోజుల్లో అత్యంత ప్రాధాన్యత ఇస్తాం."
— ఆర్వీ కర్ణన్, జీహెచ్ఎంసీ కమిషనర్
ఈ తనిఖీల్లో కమిషనర్తో పాటు రాజేంద్రనగర్ జోనల్ కమిషనర్ మందా మకరందు, అదనపు కమిషనర్ రవి కిరణ్, డిప్యూటీ కమిషనర్ సమ్మయ్య మరియు ఇతర ఉన్నతాధికారులు పాల్గొన్నారు.
About The Author
.jpeg)
.jpeg)
