కామారెడ్డి జిల్లా :
లింగం పేట మండలం ఎల్లారం గ్రామంలో ఇందిరమ్మ ఇళ్లు నిర్మించుకుంటున్న (నల్లమల లక్ష్మీ/రాజయ్య) అనే లబ్ధిదారుని ఇంటిని జిల్లా కలెక్టర్ పరిశీలించారు. ఈ సందర్భంగా లబ్ధిదారులు నిర్మాణ పనులను వేగవంతంగా పూర్తి చేసుకోవాలని ఆయన సూచించారు. ప్రభుత్వం గృహరహిత పేదల సంక్షేమార్థం అందిస్తున్న ఇందిరమ్మ హౌసింగ్ పథకం కింద మంజూరైన ఇళ్ల నిర్మాణంలో నాణ్యతను కాపాడుతూ, నిర్దేశిత కాలంలో పూర్తి చేయాలని సూచించారు. అధికారులు, ఇంజనీర్లు, అధికారులు, సిబ్బంది లబ్ధిదారులతో సమన్వయం సాధించి పనుల పురోగతిని క్రమం తప్పకుండా పరిశీలించాలని ఆయన ఆదేశించారు.ఇళ్ల నిర్మాణానికి అవసరమైన సిమెంట్, ఇసుక, ఇటుకలు వంటి సామగ్రి అందుబాటులో ఉండేలా చర్యలు తీసుకోవాలని సంబంధిత అధికారులను కలెక్టర్ సూచించారు. లబ్ధిదారులు ఎదుర్కొంటున్న సమస్యలు ఏమైన ఉంటే వెంటనే పరిష్కరించాలన్నారు.
గ్రామాల్లో ఇంకా అర్హులైన లబ్ధిదారులను గుర్తించి మార్కవుట్ పనులు ప్రారంభించాలని తెలిపారు.
ఈ సందర్భంగా లబ్ధిదారుడు , గ్రామస్తులు చాలా ఆనందం వ్యక్తం చేస్తూ ధన్యవాదాలు తెలుపుతూ, గ్రామంలో చేపట్టే ఇందిరమ్మ ఇండ్ల సామూహిక గృహప్రవేశానికి తమరు కచ్చితంగా రావాలని కలెక్టర్ ను కోరగా గృహప్రవేశానికి తప్పకుండా వస్తానని తెలిపారు . ఈ కార్యక్రమంలో సంబంధిత అధికారులు పంచాయతీ కార్యదర్శులు, ఇంజనీర్లు, తదితరులు పాల్గొన్నారు.
About The Author
13 Dec 2025
