మల్కాజిగిరి:

కమిషనరేట్ పరిధిలోని వివిధ పోలీస్ స్టేషన్ల పరిధిలో రహదారులపై పాడుబడి, యజమానులు లేక వదిలివేసిన 446 వివిధ రకాల వాహనాలను వేలం వేయడానికి పోలీస్ శాఖ నిర్ణయించింది. ఇందులో ద్విచక్ర, త్రిచక్ర, నాలుగు చక్రాల వాహనాలు ఉన్నాయి. ప్రస్తుతం ఈ వాహనాలన్నింటినీ అంబర్‌పేటలోని నగర సాయుధ రిజర్వు ప్రధాన కార్యాలయంలో భద్రపరిచారు. వీటిలో ఘట్‌కేసర్ పోలీస్ స్టేషన్‌కు సంబంధించిన నాలుగు చక్రాల, మూడు చక్రాల వాహనాలను మాత్రం ఘట్‌కేసర్ పోలీస్ స్టేషన్ సేకరణ కేంద్రంలో ఉంచారు.

*చట్టపరమైన నిబంధనల ప్రకారమే నిర్ణయం
మల్కాజిగిరి పోలీసుల ఆధ్వర్యంలో నిర్వహించబోయే ఈ బహిరంగ వేలాన్ని చట్టప్రకారమే చేపడుతున్నారు. సైబరాబాద్/మల్కాజిగిరి చట్టం 7 తో కూడిన మల్కాజిగిరి నిబంధనల సెక్షన్ 22(1) (ఎ) నుండి (ఎఫ్), 22(2) (ఎ) నుండి (బి), 22(3) (నంబర్ IX), అలాగే హైదరాబాద్ నగర పోలీస్ చట్టం 1348-ఎఫ్ లోని సెక్షన్ 39(బి), 40, 41 నిబంధనల ప్రకారం ఈ వేలం ప్రక్రియ కొనసాగనుంది.

*ఆరు నెలల గడువు
"వాహనాల అసలు యజమానులు లేదా ఫైనాన్స్ కంపెనీల ప్రతినిధులు ఈ ప్రకటన వెలువడిన తేదీ నుండి *6 నెలల లోపు* తగిన ఆధార పత్రాలతో అంబర్‌పేటలోని మల్కాజిగిరి డీసీపీ సాయుధ రిజర్వు ప్రధాన కార్యాలయంలో సంప్రదించాలి. పత్రాల పరిశీలన అనంతరం వాహనాలను యజమానులకు అప్పగిస్తాం. గడువు ముగిసిన తర్వాత ఎలాంటి దావాలనూ అంగీకరించబోం."

*సమాచారం కోసం సంప్రదించాల్సిన నంబర్లు:
మీ వాహనం వివరాలు లేదా ఇతర సమాచారం కోసం కింది ఫోన్ నంబర్లలో సంప్రదించవచ్చు:
 * *8008338535*
 * *8712662661*