హైదరాబాద్:
గ్రేటర్ హైదరాబాద్ మున్సిపల్ కార్పొరేషన్ (GHMC) చార్మినార్ జోన్ ఎంటమాలజీ మరియు రవాణా విభాగాల్లో పెను సంచలనం సృష్టించిన భారీ పెన్షన్ కుంభకోణం వెలుగుచూసింది. ఏళ్ల క్రితమే మరణించిన ఓ వృద్ధురాలు బ్రతికే ఉన్నట్లు నకిలీ ‘లైఫ్ సర్టిఫికెట్లు’ (జీవిత ధృవీకరణ పత్రాలు) సృష్టించి, దాదాపు 80 లక్షల రూపాయలకు పైగా ప్రభుత్వ ధనాన్ని కాజేసినట్లు తీవ్ర ఆరోపణలు వెల్లువెత్తుతున్నాయి. దీనిపై ‘యాక్షన్ టేకెన్ రిపోర్ట్’ (ATR) కోరిన సామాజిక కార్యకర్తలపై సంబంధిత ఉన్నతాధికారులు తీవ్ర దురుసుగా ప్రవర్తించడం నగరంలో కలకలం రేపుతోంది.

*అసలేం జరిగింది..? కుంభకోణం నేపథ్యం:
చార్మినార్ జోన్ జీహెచ్‌ఎంసీ ఎంటమాలజీ విభాగంలో గతంలో పనిచేసి మరణించిన ఉద్యోగి దివంగత మొహమ్మద్ సాబర్ భార్య అయిన 'దివంగత శ్రీమతి హాజీ బేగం, పేరు మీద ఫ్యామిలీ పెన్షన్ మంజూరవుతూ వచ్చింది. సాబీర్ మరణానంతరం వారి కుమారుడు *మహమ్మద్ సలీం, (రికార్డ్ అసిస్టెంట్, GHMC ఎంప్లాయ్ ఐడీ: 11315) కారుణ్య నియామకం కింద జీహెచ్‌ఎంసీలోనే ప్రభుత్వ ఉద్యోగం పొందారు.

 *పదేళ్లపాటు ‘నకిలీ’ లీలలు:
 హాజీ బేగం మరణించినప్పటికీ.. ఆమె బ్రతికే ఉన్నట్లుగా నకిలీ లైఫ్ సర్టిఫికెట్లను సృష్టించి, జీహెచ్‌ఎంసీ అధికారుల అండదండలతో *01/01/2012 నుండి 23/09/2021 వరకు* సుదీర్ఘ కాలం పాటు పెన్షన్ డబ్బులు డ్రా చేశారు.

*నిలదీస్తే దుర్భాషలు.. అధికారుల అహంకార వైఖరి
ఈ భారీ అవినీతి వ్యవహారంలో సస్పెన్షన్ తర్వాత తీసుకున్న పూర్తి స్థాయి చర్యల నివేదిక (ATR) మరియు సదరు నకిలీ సర్టిఫికెట్లను ధృవీకరించిన అధికారుల వివరాలను కోరుతూ ‘ఫోరమ్ ఫర్ యాంటీ కరప్షన్ అండ్ హ్యూమన్ రైట్స్’ ప్రతినిధులు సమాచార హక్కు చట్టం (RTI) కింద దరఖాస్తు చేసుకున్నారు.
అయితే, సమాచారం ఇచ్చి విచారణకు సహకరించాల్సిన జీహెచ్‌ఎంసీ హెడ్ ఆఫీస్‌కు చెందిన అధికారులు హరి రతన్ (ఏఎంసీ), శంకరయ్య, బాలాజీలు సమాచారం ఇవ్వకుండా బాధితులను, సామాజిక కార్యకర్తలను వేధిస్తున్నట్లు ఆరోపణలు వస్తున్నాయి.

*ప్రధాన డిమాండ్: ఆ ముగ్గురు అధికారులపై తక్షణ విచారణ జరగాలి!
ఈ కుంభకోణంలో నిధుల దుర్వినియోగంపై నివేదిక ఇవ్వకుండా, దౌర్జన్యానికి దిగుతున్న అధికారుల తీరుపై ఫోరమ్ ప్రతినిధులు తీవ్ర ఆగ్రహం వ్యక్తం చేస్తున్నారు. ముఖ్యంగా క్రింది అంశాన్ని వారు హైలైట్ చేస్తున్నారు:

 శాఖాపరమైన విచారణ: సమాచారం ఇవ్వకుండా నిర్లక్ష్యంగా ప్రవర్తించి, సమాచార హక్కు చట్టాన్ని కాలరాస్తూ, దౌర్జన్యానికి దిగిన *అడిషనల్ కమిషనర్ అడ్మిన్ శంకరయ్య, హరి రతన్ (ఏఎంసీ), బాలాజీలపై, తక్షణమే శాఖాపరమైన విచారణ జరిపి కఠిన చర్యలు తీసుకోవాలి.
 
క్రిమినల్ కేసులు: ప్రభుత్వ పెన్షన్ నిధులను దారి మళ్లించిన బాధ్యులందరిపై, వారికి సహకరించిన తిమింగలాలపై క్రిమినల్ కేసులు నమోదు చేయాలి.

రికవరీ:* స్వాహా చేసిన రూ.80 లక్షల ప్రభుత్వ సొమ్మును వడ్డీతో సహా రికవరీ చేయాలి.
## ఉన్నతాధికారులు, ప్రభుత్వం స్పందించాలి!
జీహెచ్‌ఎంసీ కార్యాలయం ప్రజా సేవకు కాకుండా, అవినీతి తిమింగలాలకు కేరాఫ్ అడ్రస్‌గా మారిందని సామాజిక కార్యకర్తలు మండిపడుతున్నారు. కమిషనర్ ఆర్.వి.కర్ణన్ గారూ.. మీ కళ్లెదుటే సాగుతున్న ఈ ‘పెన్షన్’ దోపిడీపై ఏసీబీ (ACB), విజిలెన్స్ విభాగాలు ఎప్పుడు కదులుతాయి?
మున్సిపల్ శాఖ మంత్రి, సీఎం ఎ. రేవంత్ రెడ్డి, మరియు మున్సిపల్ శాఖ సెక్రెటరీ జయేష్ రంజన్ గారు తక్షణమే ఈ వ్యవహారంపై దృష్టి సారించి, లంచగొండుల దౌర్జన్యానికి చరమగీతం పాడాలని, వ్యవస్థలో పారదర్శకత పెంచాలని ‘ఫోరమ్ ఫర్ యాంటీ కరప్షన్’ మరియు పౌర సమాజం డిమాండ్ చేస్తోంది.