మహేశ్వరం:

ఉమ్మడి పాలమూరు జిల్లాను కరువు రహిత ప్రాంతంగా మారుస్తామంటూ కాలయాపన చేస్తూ, ప్రాజెక్టుల పేరుతో రాజకీయ లబ్ధి పొందుతున్న బీఆర్‌ఎస్, కాంగ్రెస్ పార్టీల వైఖరిపై రంగారెడ్డి జిల్లా గ్రంథాలయ సంస్థ మాజీ ఛైర్మన్ కప్పాటి పాండురంగా రెడ్డి తీవ్ర ఆగ్రహం వ్యక్తం చేశారు. ఈ నెల 30, 31 తేదీల్లో ముఖ్యమంత్రి రేవంత్ రెడ్డి చేపట్టబోయే పాలమూరు ప్రాజెక్టుల సందర్శన కేవలం ప్రభుత్వ వైఫల్యాలను కప్పిపుచ్చుకునేందుకే తప్ప, జిల్లాపై ఉన్న ప్రేమతో కాదని ఆయన స్పష్టం చేశారు.

*కమీషన్ల కోసమే రీ-డిజైనింగ్: పదేళ్ల బీఆర్‌ఎస్ వంచన!
గత బీఆర్‌ఎస్ ప్రభుత్వం పదేళ్ల పాటు అధికారంలో ఉండి పాలమూరు-రంగారెడ్డి ఎత్తిపోతల పథకాన్ని పునఃరూపకల్పన (రీ-డిజైనింగ్) పేరుతో తొక్కిపెట్టి తీవ్ర వంచనకు ఒడిగట్టిందని పాండురంగా రెడ్డి ధ్వజమెత్తారు. కమీషన్ల కక్కుర్తి కోసమే ప్రాజెక్టు అంచనాలను పెంచారే తప్ప, క్షేత్రస్థాయిలో పనులను పూర్తి చేయలేదని ఆరోపించారు. రాజోలిబండ మళ్లింపు పథకం (ఆర్‌డీఎస్) వంటి కీలక ప్రాజెక్టులను నిర్లక్ష్యం చేసి ఉమ్మడి జిల్లా రైతాంగాన్ని నిలువునా ముంచారని మండిపడ్డారు. పాలమూరు గుండె నిండా నీళ్లు నింపుతామని చెప్పి, పదేళ్ల పాటు ప్రజలను కేవలం ఓటు బ్యాంకుగా వాడుకొని జిల్లాను వలసల బాటనే ఉంచారని విమర్శించారు.

*ఏసీ రూముల సమీక్షలకే పరిమితం!
 "మంత్రులు ఉత్తమ్ కుమార్ రెడ్డి, జూపల్లి కృష్ణా రావు, శ్రీహరి ఇప్పటివరకు కేవలం కాగితాల మీద, ఏసీ రూముల్లో సమీక్షలు నిర్వహించారే తప్ప, క్షేత్రస్థాయిలో ఒక్క అడుగు కూడా ముందుకు పడలేదు. అధికారంలోకి వస్తే శరవేగంగా పనులు పూర్తి చేస్తామని నిరుద్యోగులను, రైతులను నమ్మించిన సీఎం, ఇప్పుడు మంత్రులను, ఎమ్మెల్యేలను ముందు పంపి హడావుడి చేయడం హాస్యాస్పదం."
    కప్పాటి పాండురంగా రెడ్డి,