బొమ్మ మహేష్ కుమార్ గౌడ్‌కు జన్మదిన శుభాకాంక్షలు తెలిపిన పారిజాత నర్సింహారెడ్డి

On 28 May 2026 08:18:57

హైదరాబాద్:

తెలంగాణ రాష్ట్ర కాంగ్రెస్ కమిటీ (టీపీసీసీ) అధ్యక్షుడు, శాసనమండలి సభ్యుడు (ఎమ్మెల్సీ) బొమ్మ మహేష్ కుమార్ గౌడ్ జన్మదినాన్ని పురస్కరించుకొని పలువురు కాంగ్రెస్ నాయకులు ఆయనను కలిసి శుభాకాంక్షలు తెలియజేశారు.

*మర్యాదపూర్వక భేటీ
బుధవారం మహేష్ కుమార్ గౌడ్ నివాసానికి వెళ్లిన టీపీసీసీ ప్రధాన కార్యదర్శి, మాజీ మేయర్ చిగిరింత పారిజాత నర్సింహారెడ్డి ఆయనకు పుష్పగుచ్ఛం అందించి పుట్టినరోజు శుభాకాంక్షలు తెలియజేశారు. మహేష్ కుమార్ గౌడ్ సుదీర్ఘకాలం ప్రజాసేవలో కొనసాగాలని, పార్టీ బలోపేతానికి ఆయన అందిస్తున్న సేవలు అభినందనీయమని ఈ సందర్భంగా పారిజాత నర్సింహారెడ్డి ఆకాంక్షించారు.

రాష్ట్ర కాంగ్రెస్ రథసారథికి జన్మదిన శుభాకాంక్షలు తెలిపేందుకు పార్టీ శ్రేణులు పెద్ద ఎత్తున తరలివచ్చారు. బొమ్మ మహేష్ కుమార్ గౌడ్‌ను కలిసిన వారిలో మాజీ కార్పొరేటర్ పెద్దబావి సుదర్శన్ రెడ్డితో పాటు పలువురు ముఖ్య నాయకులు, కార్యకర్తలు ఉన్నారు. ఈ సందర్భంగా పార్టీ బలోపేతం, ప్రస్తుత రాజకీయ అంశాలపై నాయకులు కొద్దిసేపు చర్చించారు.