మానసిక వికలాంగుల ఆశ్రమంలో అన్నదానం

On 21 May 2026 09:53:12

ముద్దగౌని రామ్మోహన్ గౌడ్ పుట్టినరోజు వేడుకలు
యువనేత ముద్దగౌని మనీష్ గౌడ్ ఆధ్వర్యంలో సేవా కార్యక్రమాలు

ఎల్బీనగర్:

ప్రజాసేవకుడే పరమార్థంగా భావించే నాయకుడి పుట్టినరోజు వేడుకలు నిరాడంబరంగా, సేవాభావంతో నిర్వహించారు. పిసిసి మాజీ కార్యదర్శి, ఎల్.బి. నగర్ నియోజకవర్గ కాంగ్రెస్ పార్టీ సీనియర్ నాయకులు ముద్దగౌని రామ్మోహన్ గౌడ్ పుట్టినరోజును పురస్కరించుకొని బుధవారం నియోజకవర్గంలో పలు సేవా కార్యక్రమాలు చేపట్టారు.

నిరుపేదలకు, ప్రత్యేక పిల్లలకు అండగా..
యువనాయకులు ముద్దగౌని మనీష్ గౌడ్ ఆధ్వర్యంలో సాహెబ్ నగర్ పరిధిలోని గౌతమి నగర్ నివాస ప్రాంతంలో ఉన్న 'శాంతినికేతన్ మానసిక వికలాంగుల ఆశ్రమం' (శాంతినికేతన్ స్వచ్ఛంద సంస్థ) లో ప్రత్యేక అన్నదాన కార్యక్రమాన్ని నిర్వహించారు. సమాజంలో వెనుకబడిన, ప్రత్యేక అవసరాలు కలిగిన పిల్లలకు అండగా నిలవాలనే ఉద్దేశంతో ఈ కార్యక్రమాన్ని చేపట్టినట్లు నిర్వాహకులు తెలిపారు. రామ్మోహన్ గౌడ్ పుట్టినరోజును ఇలా సేవా కార్యక్రమాలతో జరుపుకోవడం ఆనందంగా ఉందంటూ ఆశ్రమ నిర్వాహకులు సంతోషం వ్యక్తం చేశారు.

తరలివచ్చిన యువత:
ఈ అన్నదాన కార్యక్రమంలో శాంతినికేతన్ సంస్థ నిర్వాహకులు బాలేశ్వర్ తో పాటు స్థానిక యువకులు, కాంగ్రెస్ కార్యకర్తలు పెద్ద సంఖ్యలో పాల్గొన్నారు. కార్యక్రమంలో శాండీ, సోను యాదవ్, ఆశీష్ చౌదరి, సన్నీ, అంజి, వంశీ, గౌతమ్, సాయి తదితరులు పాల్గొని అన్నదానాన్ని విజయవంతం చేశారు. రామ్మోహన్ గౌడ్ మరిన్ని పుట్టినరోజులు జరుపుకుంటూ ప్రజాసేవలో ముందడుగు వేయాలని ఈ సందర్భంగా పలువురు ఆకాంక్షించారు.