మల్కాజిగిరి:

అమాయకుల ఆశలను ఆసరాగా చేసుకుని లక్షలు కొల్లగొడుతున్న సైబర్ నేరగాళ్లపై మల్కాజిగిరి పోలీసులు ఉక్కుపాదం మోపారు. గత వారం రోజులుగా (ఏప్రిల్ 5 నుంచి 10 వరకు) జరిపిన మెరుపు దాడుల్లో ఇద్దరు నిందితులను కటకటాల్లోకి నెట్టారు. ఇన్వెస్ట్‌మెంట్‌, సాఫ్ట్‌వేర్ ఉద్యోగాల పేరుతో సాగించిన ఈ మోసాల్లో నిందితులకు దేశవ్యాప్త లింకులు ఉన్నట్లు పోలీసులు గుర్తించారు.

ట్రేడింగ్ పేరుతో టోకరా.. రూ. 41.56 లక్షలు స్వాహా!*
హైదరాబాద్‌కు చెందిన చామల బాలకిషన్ రెడ్డి అనే వ్యక్తి సైబర్ ముఠాలకు బ్యాంక్ ఖాతాలను సరఫరా చేస్తూ అడ్డంగా దొరికిపోయాడు.
 * *నేరం ఇలా:* 'FISD PRO' అనే నకిలీ ట్రేడింగ్ యాప్ ద్వారా అధిక లాభాలు వస్తాయని బాధితుడిని వాట్సాప్ గ్రూపుల్లో నమ్మించారు.
 * మొదట చిన్నపాటి లాభాలు చూపించి, ఆ తర్వాత ఏకంగా రూ. 41.62 లక్షలు పెట్టుబడి పెట్టించారు.
 * నగదు విత్‌డ్రా చేసుకునే టైమ్‌లో కమిషన్ కట్టాలని వేధించడంతో బాధితుడు మోసపోయానని గ్రహించి పోలీసులను ఆశ్రయించాడు.
 * నిందితుడి బ్యాంక్ ఖాతాను పరిశీలించగా.. దేశవ్యాప్తంగా వివిధ రాష్ట్రాల్లో నమోదైన 21 సైబర్ కేసులతో ఇతనికి సంబంధం ఉన్నట్లు తేలింది.

బాధితులకు తీపి కబురు..*
సైబర్ క్రైమ్ పోలీసులు బాధితులకు ఊరటనిస్తూ కోర్టు ద్వారా రూ. 41,58,677/- నగదును రికవరీ చేసి వాపసు ఇప్పించారు.
> *పోలీసుల హెచ్చరిక:*
* వాట్సాప్, సోషల్ మీడియాలో వచ్చే లింకులను అస్సలు నమ్మొద్దు.
* ఆన్‌లైన్ జాబ్స్, ట్రేడింగ్ యాప్స్ విషయంలో తస్మాత్ జాగ్రత్త.
> * మోసపోతే వెంటనే *1930* కి కాల్ చేయండి లేదా www.cybercrime.gov.in* లో ఫిర్యాదు చేయండి. మల్కాజిగిరి సైబర్ క్రైమ్ పోలీస్**