​హైదరాబాద్:

నిబంధనలు గాలికి.. జనం ప్రాణాలు బలికి అన్నట్టుగా తయారైంది సిటీలోని బడా వ్యాపారాల తీరు. అగ్నిప్రమాదాలు జరుగుతున్నా, అమాయకులు చనిపోతున్నా అడ్డగోలు దందాలు ఆపని షోరూమ్‌లపై 'హైడ్రా' (HYDRAA) విరుచుకుపడింది. గురువారం జూబ్లీహిల్స్, నాంపల్లి ఏరియాల్లో హైడ్రా కమిషనర్ ఏవీ రంగనాథ్ స్వయంగా రంగంలోకి దిగి తనిఖీలు చేపట్టారు. ఫైర్ సేఫ్టీని తుంగలో తొక్కడమే కాకుండా, అనుమతి లేని అక్రమ నిర్మాణాలతో ప్రమాదకరంగా మారిన నీరూస్ షోరూమ్‌తో పాటు ఓ భారీ ఫర్నీచర్ దుకాణాన్ని సీజ్ చేశారు.
​నీరూస్‌లో అన్నీ అక్రమాలే..
​జూబ్లీహిల్స్ రోడ్డు నంబర్ 36లోని నీరూస్ వస్త్ర షోరూమ్‌లో అధికారులు తనిఖీ చేస్తే షాకింగ్ నిజాలు బయటపడ్డాయి.
​రూఫ్ టాప్ గోదాము: భవనం పైన పర్మిషన్ లేకుండా రూఫ్ షెడ్డు వేసి, వందల టన్నుల వస్త్రాలను నింపేశారు.
​చిమ్మచీకటి సెల్లార్లు: మూడు సెల్లార్లలో గాలి కూడా ఆడని రీతిలో స్టాక్ కుక్కేశారు. అమ్మకాలు చేసేది రెండు ఫ్లోర్లే అయినా, పైన మరో మూడు ఫ్లోర్లను డేంజర్ గోదాములుగా మార్చేశారు.
​పనిచేయని ఆర్పే యంత్రాలు: కనీసం ఫైర్ ఎన్వోసీ లేదు సరికదా.. మంటలు చెలరేగితే ఆర్పే ఫైర్ ఎక్స్‌టింగ్విషర్లు కూడా పనిచేయట్లేదు. దీంతో కనెక్షన్ కట్ చేసి అధికారులు షాపుకు సీల్ వేశారు.

​ఐదుగురు చనిపోయినా బుద్ధి రాలే!

​హైడ్రా హెల్ప్ లైన్: 90001 13667
​నేరుగా కమిషనర్‌కు: 72079 23085 (వాట్సాప్ ద్వారా ఫోటోలు, వీడియోలు పంపవచ్చు)
​సోషల్ మీడియా: X (ట్విట్టర్) - @Commissioner_HYDRAA
​"వ్యాపారం అంటే కేవలం లాభం కాదు.. జనం భద్రత కూడా ఉండాలి. షాపులను గోదాములుగా మార్చేసి ప్రజల ప్రాణాలను రిస్కులో పెడితే వెనకాముందు చూడకుండా కఠిన చర్యలు తీసుకుంటాం."
— ఏవీ రంగనాథ్, కమిషనర్, హైడ్రా