ఎల్బీనగర్:

తెలంగాణ స్వరాష్ట్ర స్వప్నాన్ని సాకారం చేసి, పదేళ్లపాటు రాష్ట్రాన్ని దేశంలోనే అగ్రగామిగా నిలిపిన అపర భగీరథుడు, మాజీ ముఖ్యమంత్రి కల్వకుంట్ల చంద్రశేఖర్ రావు (కేసీఆర్)పై కాంగ్రెస్ ప్రభుత్వం రాజకీయ కక్షసాధింపు చర్యలకు పాల్పడుతోందని బీఆర్ఎస్వీ (BRSV) శ్రేణులు మండిపడ్డాయి.
​చరిత్రాత్మక నాయకుడైన కేసీఆర్‌పై బురద చల్లే ప్రయత్నంలో భాగంగానే సిట్ (SIT) విచారణ పేరుతో నోటీసులు జారీ చేశారని ఆరోపిస్తూ, రంగారెడ్డి జిల్లా బీఆర్ఎస్వీ ఆధ్వర్యంలో గురువారం ఎల్బీనగర్ ఫ్లైఓవర్ వద్ద భారీ నిరసన ప్రదర్శన నిర్వహించారు. ఈ సందర్భంగా ముఖ్యమంత్రి రేవంత్ రెడ్డి దిష్టిబొమ్మను దహనం చేసి ప్రభుత్వానికి వ్యతిరేకంగా నినాదాలు చేశారు.

​ప్రభుత్వంపై ధ్వజమెత్తిన షేర్ రమణ్

​అభివృద్ధిని చూసి ఓర్వలేక:
 కాళేశ్వరం ప్రాజెక్టు ద్వారా తెలంగాణను సస్యశ్యామలం చేసిన నాయకుడిపై విచారణల పేరుతో వేధింపులకు గురిచేయడం దుర్మార్గమన్నారు.

​నిరసనతో హోరెత్తిన ఎల్బీనగర్:

ఈ నిరసన కార్యక్రమంలో బీఆర్ఎస్వీ నాయకులు, కార్యకర్తలు పెద్ద సంఖ్యలో పాల్గొన్నారు. "జై తెలంగాణ - జై కేసీఆర్" అనే నినాదాలతో ఎల్బీనగర్ చౌరస్తా హోరెత్తింది. ప్రజా సమస్యలను గాలికి వదిలేసి, ప్రతిపక్ష నాయకులను లక్ష్యంగా చేసుకోవడం మానుకోకపోతే రానున్న రోజుల్లో ఉద్యమాన్ని మరింత ఉధృతం చేస్తామని వారు హెచ్చరించారు.