బీడీ కార్మికుల శ్రమ దోపిడీ అరికట్టాలి : కామారెడ్డి సిపిఐ ఎంఎల్

కామారెడ్డి జిల్లా :

బీడీ కార్మికుల వద్ద నుండి వెయ్యి బీడీలకు అదనంగా రూ.10 వసూలు చేసే పద్ధతికి బలవంతంగా తినుబండారాల వ్యాపారానికి స్వస్తి పలకాలి, సరిపడా మంచి తునికాకు ఇవ్వాలి, ఆర్. రమేష్, తెలంగాణ ప్రగతిశీల బీడీ వర్కర్స్ యూనియన్ ప్రధాన కార్యదర్శి డిమాండ్,

దేశాయ్ బీడీ ఫ్యాక్టరీకి చెందిన వేలాదిమంది కార్మికులను యజమాన్యం చేస్తూ నిలువు దోపిడిని వెంటనే నిలిపివేయాలని కోరుతూ తెలంగాణ ప్రగతిశీల బీడీ వర్కర్స్ యూనియన్ ఆధ్వర్యంలో కామారెడ్డి సిపిఐ ఎంఎల్ మాస్ లైన్ కార్యాలయంలో పాత్రికేయ మిత్రుల సమావేశం నిర్వహించడం జరిగింది. ఈ సందర్భంగా జిల్లా ప్రధాన కార్యదర్శి ఆర్ రమేష్ మాట్లాడుతూ, తెలంగాణ రాష్ట్రంలో ఏడు లక్షల మంది బీడీ కార్మికులకు ఉపాధి కల్పిస్తున్న కుటీర పరిశ్రమ.. కార్మికుల అమాయకత్వాన్ని ఆసరా చేసుకొని చట్ట విరుద్ధంగా దేశాయి బీడీ ఫ్యాక్టరీ యాజమాన్యం 1000 బీడీలకు పది రూపాయలు తక్కువ ఇవ్వడము (చట్టానికి దొరకకుండా) నిలువు దోపిడీ అవుతుందని తీవ్రంగా విమర్శించారు... ప్రపంచంలో ఎక్కడా లేనివిధంగా ముడి సరుకు తుట్టిని (ఆకు తక్కువ పడితే కొనుగోలు చేసి బీడీలు ఇవ్వాలి.) కార్మికులు కొనుగోలు చేసి బీడీలు చేసి ఇవ్వాలి ఇది 100కు 100% కార్మిక చట్టవ్యతిరేక చర్య అవుతుందని ఆవేదన వ్యక్తం చేశారు.
వీటితో పాటు బీడీ యజమాన్యం తినుబండారాలైన కురుకురే దీపావళి పండుగ సందర్భంగా స్వీట్లు. కారా పాకెట్లు తప్పనిసరి కొనుగోలు చేసే విధంగా బలవంతంగా అంటకట్టే పద్ధతి సమంజసం కాదని ఈ పద్ధతి గత పది సంవత్సరాలుగా కొనసాగుతుందని కోట్లాది రూపాయలు కార్మికులకు నష్టం చేస్తున్నారని అన్నారు..

అనేకసార్లు యాజమాన్యం దృష్టికి తీసుకువెళ్లి కార్మికుల నష్టపరిచే ఈ పద్ధతుల్ని మానుకోవాలని కోరిన ఫలితం లేకపోవడంతో రేపు అనగా 27అక్టోబర్ రోజున డివిజన్ ఆఫీసు కామారెడ్డికి వెళ్లి డిమాండ్ చేస్తామని అన్నారు. దీనికి కార్మికులు పెద్ద సంఖ్యలో హాజరు కావాలని విజ్ఞప్తి చేశారు. మీడియా మిత్రుల సమావేశంలో తెలంగాణ ప్రగతిశీల బీడీ వర్కర్స్ యూనియన్ నాయకులు, జిల్లా ఉపాధ్యక్షులు సత్తెమ్మ, ఎ. ప్రకాష్, జిల్లా నాయకులు,జి.అరవింద్, జిల్లా నాయకులు గోపాల్, సురేష్ తదితరులు పాల్గొన్నారు.