మురుగునీటి సమస్యకు మోక్షం: రూ. 53 లక్షలతో డ్రైనేజీ పనుల ప్రారంభం

ప్రజల ఇబ్బందులు తీర్చడమే లక్ష్యం: కార్పొరేటర్ మొద్దు లచ్చిరెడ్డి

On 23 Jan 2026 17:38:24

మురుగునీటి సమస్యకు మోక్షం: రూ. 53 లక్షలతో డ్రైనేజీ పనుల ప్రారంభం

బి.ఎన్. రెడ్డి నగర్:

బి.ఎన్. రెడ్డి నగర్ డివిజన్ పరిధిలోని కాలనీల్లో మౌలిక సదుపాయాల కల్పనకు ప్రాధాన్యం ఇస్తున్నట్లు స్థానిక కార్పొరేటర్ మొద్దు లచ్చిరెడ్డి పేర్కొన్నారు. గురువారం బి.ఎన్. రెడ్డి నగర్ ఫేస్-1 కాలనీలో రూ. 53 లక్షల వ్యయంతో మంజూరైన స్ట్రామ్ వాటర్ డ్రైన్ (తుపాను నీటి కాలువ) అభివృద్ధి పనులకు ఆయన ముఖ్య అతిథిగా హాజరై, శాస్త్రోక్తంగా పూజలు నిర్వహించి కొబ్బరికాయ కొట్టి పనులను ప్రారంభించారు.

ఈ సందర్భంగా కార్పొరేటర్ మాట్లాడుతూ.. వర్షాకాలంలో కాలనీ ప్రజలు ఎదుర్కొంటున్న నీటి నిల్వ సమస్యను శాశ్వతంగా పరిష్కరించేందుకు ఈ డ్రైనేజీ పనులను చేపట్టినట్లు తెలిపారు. నిధుల మంజూరుకు కృషి చేసిన అధికారులకు ధన్యవాదాలు తెలుపుతూ, కాలనీలోని ప్రతి సమస్యనూ విడతల వారీగా పరిష్కరిస్తామని హామీ ఇచ్చారు. పనుల నాణ్యతలో రాజీ పడకుండా, త్వరితగతిన పూర్తి చేసి ప్రజలకు అందుబాటులోకి తీసుకురావాలని ఇంజనీరింగ్ అధికారులను కోరారు.

అధికారులు, కాలనీ ప్రతినిధుల సమక్షంలో.. జీహెచ్‌ఎంసీ ఇంజనీరింగ్ విభాగం ఈఈ నాగేందర్ గౌడ్, డీఈ కనకయ్య, ఏఈ మల్లికార్జున్ గౌడ్ పాల్గొన్నారు. కాలనీ సంక్షేమ సంఘం అధ్యక్షులు పురుషోత్తం రెడ్డి, దేవి పోచమ్మ ఆలయ చైర్మన్ ప్రదీప్ రెడ్డి, హరిహరపురం కాలనీ అధ్యక్షులు శంకరయ్య గౌడ్ తదితరులు పాల్గొని అభివృద్ధి పనుల పట్ల హర్షం వ్యక్తం చేశారు.
కార్యక్రమంలో కాలనీ ఉపాధ్యక్షులు రాములు, ధనరాజ్, ప్రధాన కార్యదర్శి రవికిరణ్, సహ కార్యదర్శి నవీన్ కుమార్, కోశాధికారి శ్రీనివాస్, సాంస్కృతిక కార్యదర్శి శ్రీనివాస్ గౌడ్, ఈసీ సభ్యులు ప్రభాకర్, అజయ్ యలమంచి, కాశిరెడ్డి జంబుల, హరిగోపాల్, రామచంద్రమూర్తి, సత్యనారాయణ రెడ్డి, సత్యనారాయణ మూర్తి పాల్గొన్నారు. వీరితో పాటు ప్రసాద్, మాల్రెడ్డి రామ్ రెడ్డి, పురం నర్సింహారెడ్డి, అమర్ నాథ్, బిక్షపతి, డివిజన్ బీజేవైఎం అధ్యక్షులు సురేష్ కుమార్ మరియు కాలనీ వాసులు పెద్ద సంఖ్యలో పాల్గొన్నారు.