( స్పెషల్ కరస్పాండెంట్, హైదరాబాద్ ) 

కాలేజీల ఆర్థిక ఇబ్బందులు :

ప్రభుత్వం నుంచి నిధులు రాకపోవడంతో పలు కాలేజీలు లెక్చరర్లకు జీతాలు ఇవ్వలేకపోతున్నాయి. కొంతమంది ఉపాధ్యాయులు ఆందోళనలకు దిగారు. మరోవైపు విద్యార్థులకు సర్టిఫికెట్లు ఇవ్వకుండా కొన్ని కాలేజీలు నిరోధించాయి.

కోర్టు మెట్లెక్కిన కొన్ని యాజమాన్యాలు :

అనేక ప్రైవేట్‌ కాలేజీలు ప్రభుత్వంపై కోర్టులో కేసులు వేశాయి. “మాకు రావలసిన రీయింబర్స్‌మెంట్‌ మొత్తాన్ని నెలల తరబడి నిలిపివేయడం వల్ల నష్టపోతున్నాం” అని యాజమాన్యాలు ఆరోపిస్తున్నాయి. ఒకటి రెండు కాలేజీలకు కోర్టు అనుకూలంగా తీర్పుకూడా ఇచ్చింది.. 

విద్యార్థులే బలిపశువులు :

అటు ప్రభుత్వం, ఇటు కాలేజీల యాజమాన్యాల నడుమ విద్యార్థులు బలిపశువులు అవుతున్నారు.. ప్రభుత్వం నుంచి బకాయిలు రాక, స్వయంగా ఫీజు చెల్లించే వెసులుబాటు లేక, సర్టిఫికేట్లు అందక సతమతమైపోతున్నారు.. ఇది వాంఛనీయం కాదంటున్నారు విశ్లేషకులు.. విద్యార్థుల ఇబ్బందులను తక్షణమే తొలగించాలని సూచిస్తున్నారు..  రీయింబర్స్‌మెంట్‌ సమస్యలతో సర్టిఫికెట్లు దొరకకపోవడమే కాకుండా.. ఉద్యోగాలు లేదా ఉన్నత చదువులు కోల్పోతున్న విద్యార్థులు తీవ్ర ఆందోళనలో ఉన్నారు. “మేమేం తప్పు చేశాం..? మా భవిష్యత్తు ఎందుకు బలి కావాలి..?” అని వారు ప్రశ్నిస్తున్నారు. మరి ప్రభుత్వం సమాధానం చెప్పగలదా..? 

తక్షణమే ప్రభుత్వం చేయాల్సినవి :

రీయింబర్స్‌మెంట్‌ నిధుల విడుదలలో పారదర్శకత, వేగం కల్పించాలి. లెక్చరర్ల జీతాలు ఆలస్యం కాకుండా పర్యవేక్షణ వ్యవస్థను ఏర్పాటు చేయాలి. విద్యార్థుల సర్టిఫికెట్లను నిరోధించే కాలేజీలపై కఠిన చర్యలు తీసుకోవాలి. అలాగే ప్రభుత్వం, కాలేజీలు, విద్యార్థి సంఘాలు కలిసి ఒక సంయుక్త కమిటీ ఏర్పాటు చేయాలి. అప్పుడే ఈ సమస్యకు పరిష్కారం దొరుకుతుంది.. 

కానీ ఈ వ్యవహారం వెనుక ఎదో కుట్రకోణం దాగుందని  పలువురు విశ్లేషకులు వాదిస్తున్నారు.. ఫీజ్ రీ యంబర్స్మెంట్ బకాయిలు చెల్లించడానికి  ప్రభుత్వానికి పెద్దగా కష్టపడాల్సిన అవసరం లేదని, సరిపడా నిధులు ఉన్నాయని చెబుతున్నారు.. కేవలం మధ్య, సామాన్య, నిరుపేద విద్యార్థులను ఎదగనీయకుండా.. ప్రభుత్వం, ప్రైవేట్ కాలేజీల యాజమాన్యాలు కలిసి ఈ వ్యవహారం నడిపిస్తున్నారని వారు వాదిస్తున్నారు..  ఇందులో నిజానిజాలు ఏమిటో నిగ్గు తేల్చాలని " ఫోరం ఫర్ యాంటీ కరప్షన్ అండ్ హ్యూమన్ రైట్స్ సంస్థ " డిమాండ్ చేస్తోంది..