హైదరాబాద్:

నగరంలోని అత్యంత రద్దీ ప్రాంతమైన అమీర్‌పేటలో శుక్రవారం పెను ప్రమాదం తప్పింది. వందలాది శిక్షణ కేంద్రాలు, వేలాది మంది విద్యార్థులతో నిత్యం కిటకిటలాడే ఆదిత్య ఎన్‌క్లేవ్‌లో ఒక్కసారిగా చెలరేగిన మంటలు భయాందోళనలకు గురిచేశాయి. అయితే, హైడ్రా విపత్తు నిర్వహణ బృందాలు (DRF) మెరుపు వేగంతో స్పందించి, మృత్యువుతో పోరాడుతున్న 50 మందిని సురక్షితంగా బయటకు తీసుకురావడంతో పెను విషాదం ముగిసింది.

​నిమిషాల వ్యవధిలో రక్షణ చర్యలు

​సాహసోపేతంగా ‘రోప్ లాడర్’ ఆపరేషన్

​ప్రమాద స్థలిలో కమిషనర్ సమీక్ష:

​ప్రమాద సమాచారం అందుకున్న వెంటనే హైడ్రా కమిషనర్ శ్రీ ఏవీ రంగనాథ్ ఘటనా స్థలానికి చేరుకుని సహాయక చర్యలను పర్యవేక్షించారు. అనంతరం ఆయన మాట్లాడుతూ..
​"సకాలంలో స్పందించడం వల్లే ప్రాణనష్టం తప్పింది. గత నెలలోనే అగ్నిమాపక, జీహెచ్‌ఎంసీ అధికారులతో కలిసి తనిఖీలు చేసి, నిబంధనలు పాటించని దుకాణాలను సీజ్ చేశాం. సేఫ్టీ చర్యలు చేపట్టేందుకు ఇచ్చిన గడువు ముగియగానే మరోసారి కఠినమైన తనిఖీలు చేపడతాం."

​భద్రతపై నివేదిక:
ప్రస్తుత అగ్నిప్రమాద చట్టాల్లో అవసరమైన మార్పులు, చేర్పులపై ప్రభుత్వానికి నివేదిక అందజేస్తామని కమిషనర్ తెలిపారు. ప్రజలు, భవన యజమానులు కూడా స్వచ్ఛందంగా అగ్నిమాపక నిబంధనలు పాటించాలని, అత్యవసర సమయాల్లో బయటపడే మార్గాల్లో ఎటువంటి అడ్డంకులు ఉంచకూడదని ఆయన సూచించారు.
​ఈ కార్యక్రమంలో హైడ్రా అదనపు డైరెక్టర్ శ్రీ వర్ల పాపయ్య, ఏడీఎఫ్‌ఓ శ్రీ మోహనరావు తదితరులు పాల్గొన్నారు.