హైదరాబాద్:

ఒకప్పుడు గొలుసుకట్టు చెరువులకు నెలవైన హైదరాబాద్ మహానగరం ఇప్పుడు వరద గుప్పిట్లో చిక్కుకోవడానికి ప్రధాన కారణం ఆ వ్యవస్థ చిన్నాభిన్నం కావడమేనని హైడ్రా (HYDRAA) విశ్లేషించింది. నగరంలో గతంలో ఉన్న 1,384 చెరువుల్లో ఏకంగా 625 చెరువులు ఆక్రమణల పర్వంలో ఉనికిని కోల్పోయాయని హైడ్రా గుర్తించింది. మిగిలిన 759 చెరువులు సైతం ఆక్రమణల ముప్పులో ఉన్న నేపథ్యంలో, వాటన్నింటికీ పునరుజ్జీవం పోసి పర్యావరణ సమతుల్యతను కాపాడేందుకు హైడ్రా నడుం బిగించింది.

ముంచెత్తుతున్న ఆక్రమణలు.. పర్యావరణ ముప్పు

మరో 1300 చెరువులే లక్ష్యం.. 10 ఏళ్ల రోడ్‌మ్యాప్
చెరువుల పరిరక్షణ కేవలం కాగితాలకే పరిమితం కాకుండా క్షేత్రస్థాయిలో మార్పు తెచ్చేలా 10 ఏళ్ల సుదీర్ఘ కార్యాచరణను హైడ్రా సిద్ధం చేసింది.

 ప్రయోజనాలు: 1,300 చెరువులను పునరుద్ధరించడం ద్వారా భూగర్భ జలాల మట్టం పెరగడమే కాకుండా, నగర ఉష్ణోగ్రతలు కూడా తగ్గుముఖం పట్టే అవకాశం ఉంది.

మురికి కూపాలుగా కాదు.. ఆహ్లాదకర కేంద్రాలుగా!
ఒకప్పుడు దుర్వాసనతో మురికి కూపాలుగా ఉన్న చెరువులు ఇప్పుడు పర్యాటక కేంద్రాలుగా మారుతున్నాయి.
 
సౌకర్యాలు: చెరువుల చుట్టూ బండ్ల నిర్మాణం, వాకింగ్ ట్రాక్‌లు, ఓపెన్ జిమ్‌లు, పిల్లల కోసం ఆటస్థలాలను ఏర్పాటు చేస్తున్నారు.
 
నిదర్శనాలు:
 అంబర్‌పేటలోని బతుకమ్మకుంట, కూకట్‌పల్లి నల్లచెరువు, పాతబస్తీలోని బమృకున్ ఉద్ దౌలా చెరువుల అభివృద్ధి దీనికి నిదర్శనంగా నిలిచాయి.

నాలాల ప్రక్షాళనతో తప్పిన ముప్పు
చెరువులతో పాటు నాలాల పునరుద్ధరణపై కూడా హైడ్రా దృష్టి సారించింది. ప్యాట్నీ నాలా వద్ద ఉన్న ఆక్రమణలను తొలగించడం వల్ల నీటి ప్రవాహం సాఫీగా సాగుతోందని, దీనివల్ల ఎగువన ఉన్న 20కి పైగా కాలనీలకు వరద ముప్పు తప్పిందని కమిషనర్ వివరించారు. పర్యావరణ హితమైన నగర నిర్మాణమే లక్ష్యంగా డిజాస్టర్ మేనేజ్‌మెంట్ విభాగం పనిచేస్తోందని ఆయన స్పష్టం చేశారు.