రంగారెడ్డి
జిల్లాలో ధాన్యం కొనుగోలు ప్రక్రియను మరింత వేగవంతం చేయాలని, రైతులకు ఎలాంటి ఇబ్బందులు కలగకుండా చూడాలని అదనపు కలెక్టర్ (రెవెన్యూ) చంద్రారెడ్డి అధికారులను ఆదేశించారు. సోమవారం కలెక్టరేట్ కార్యాలయంలో జిల్లా మేనేజర్, జిల్లా పౌరసరఫరాల అధికారి, జిల్లా గ్రామీణాభివృద్ధి అధికారి, జిల్లా మార్కెటింగ్ అధికారి, జిల్లా సహకార అధికారి మరియు రైస్ మిల్లర్లతో ఆయన ఉన్నత స్థాయి సమీక్షా సమావేశాన్ని నిర్వహించారు. ఈ సందర్భంగా ధాన్యం సేకరణ, చెల్లింపులు, మిల్లుల వద్ద ఎదురవుతున్న సవాళ్లపై సుదీర్ఘంగా చర్చించారు.

లక్ష్యం 40 వేల మెట్రిక్ టన్నులు..
జిల్లా వ్యాప్తంగా ఈ సీజన్‌లో 40,000 మెట్రిక్ టన్నుల ధాన్యం వచ్చే అవకాశం ఉందని అంచనా వేస్తున్నట్లు చంద్రారెడ్డి తెలిపారు. అందుకు అనుగుణంగానే పక్కా ప్రణాళికలతో ముందుకు సాగుతున్నామని పేర్కొన్నారు.
 
ప్రస్తుత పురోగతి: జిల్లాలో ఇప్పటివరకు 37 ప్రాథమిక వ్యవసాయ సహకార సంఘాల (పీపీసీ) కేంద్రాలను ప్రారంభించాం.

 కొనుగోళ్లు: వీటి ద్వారా ఇప్పటివరకు 7,187 మెట్రిక్ టన్నుల ధాన్యాన్ని సేకరించడం జరిగింది.
 
చెల్లింపులు: ధాన్యం విక్రయించిన రైతులకు సంబంధించి ఇప్పటికే రూ.6 కోట్లను వారి బ్యాంక్ ఖాతాల్లో నేరుగా జమ చేశాం. నిధులను కూడా త్వరలోనే విడుదల చేస్తాం.

*తరుగు తీస్తే కఠిన చర్యలు: మిల్లర్లకు హెచ్చరిక:
రైస్ మిల్లర్లు తమ మిల్లుల సామర్థ్యానికి అనుగుణంగా ధాన్యాన్ని వెంటనే దించుకోవాలని చంద్రారెడ్డి సూచించారు.

రైతులు పండించిన ప్రతి గింజా కొనుగోలు చేస్తామని, దళారులను నమ్మి మోసపోవద్దని ఈ సందర్భంగా ఆయన కోరారు.