ఒకప్పుడు ప్రభుత్వ వైద్యశాలలు సలక్షణంగా సేవలు అందితుండేవి.. కాలానుగుణంగా కార్పొరేట్ కల్చర్ విస్తృతంగా వ్యాప్తి చెందడంతో.. సర్కారు వైద్యం అటకెక్కిపోయింది.. ప్రభుత్వాలు సైతం వైద్య వ్యవస్థపై శీతకన్ను వేసింది.. ఆసుపత్రులను పట్టించుకోవడం మానేసింది..దీంతో నిర్వహణా లోపం ఏర్పడటంతో ప్రభుత్వ ఆసుపత్రులు నీరుగారిపోయాయి.. అనుభవజ్ఞులైన, క్వాలిఫైడ్ డాక్టర్లు ఉన్నా పేదలకు వైద్యం అందడం గగనమై పోతోంది.. ఇందుకు అనేక కారణాలున్నాయి.. కార్పొరేట్ వైద్య రంగం కాలరక్కిసిలా విజృంభిస్తోంది.. వైద్యాన్ని లాభసాటి వ్యాపారంగా మార్చివేసింది.. రాజకీయ ప్రముఖులకు సంబంధించిన ప్రైవేట్, కార్పొరేట్ ఆసుపత్రులు రాజ్యమేలుతున్నాయి.. ప్రభుత్వాలు, వైద్య సంబంధిత అధికారులు సైతం ఈ కార్పొరేట్ ఆసుపత్రుల యాజమాన్యాలకు దాసోహం అంటున్నారు.. కేవలం దోపిడి అనే మార్గాన్ని ఎంచుకుని ముందుకు సాగుతున్నాయి.. ఇది ఎంతమాత్రం వాంఛనీయం కాదు.. ప్రస్తుత ప్రభుత్వ ఆసుపత్రుల పరిస్థితిని వివరించే ప్రయత్నం చేస్తోంది " ఫోరం ఫర్ యాంటీ కరప్షన్ అండ్ హ్యూమన్ రైట్స్ సంస్థ "..

మౌలిక వసతుల లోపం :
ఆసుపత్రుల భవనాలు పాడైపోవడం, మంచాలు సరిపడకపోవడం, శుభ్రత లేకపోవడం వంటి సమస్యలు రోగులను తీవ్ర ఇబ్బందుల్లోకి నెడుతున్నాయి. చాలా చోట్ల టాయిలెట్లు, తాగునీటి సౌకర్యం కూడా దయనీయంగా ఉంది.

ఔషధాల సరఫరా లోపం :
ప్రభుత్వం ఉచితంగా మందులు ఇవ్వాలని నిర్ణయించినా, చాలా సార్లు స్టాక్ పూర్తిగా ఖాళీ అయిపోతుంది. రోగులు బయట ఫార్మసీల నుంచి మందులు కొనాల్సిన పరిస్థితి ఏర్పడుతోంది. ఇది పేదలపై అదనపు భారంగా మారింది.

ఆధునిక పరికరాల కొరత :
స్కానింగ్, ఎక్స్-రే, ఆపరేషన్ థియేటర్ పరికరాలు పనిచేయకపోవడం లేదా సరిపడకపోవడం సాధారణంగా మారిపోయింది. ఫలితంగా అత్యవసర సేవలు అందించడంలో ఆలస్యం అవుతోంది. కొన్నిసార్లు ప్రాణనష్టానికీ దారితీస్తోంది.

అధిక రద్దీతో తలపట్టుకుంటున్న వైద్యులు :
ప్రైవేట్ ఆసుపత్రుల ఖర్చు భరించలేని వేలాది మంది రోగులు ప్రభుత్వ ఆసుపత్రులకే వస్తున్నారు. దీని వల్ల విపరీతమైన రద్దీ ఏర్పడుతోంది. ఒక్కో రోగికి సరైన సమయం కేటాయించలేక, పరీక్షలు కూడా త్వరగా ముగించేస్తున్నారు.

ప్రభుత్వ ఆసుపత్రులు పేద ప్రజల కోసం ఒకే ఆధారం. కానీ ప్రస్తుత పరిస్థితుల్లో సరైన సిబ్బంది, మౌలిక సదుపాయాలు, ఔషధాలు లేకపోవడం వలన ప్రజల నమ్మకం తగ్గిపోతోంది. వైద్య రంగాన్ని బలోపేతం చేయాలంటే ప్రభుత్వమే ముందుకు వచ్చి సిబ్బంది నియామకాలు, కొత్త పరికరాల కొనుగోలు, శుభ్రతపై దృష్టి పెట్టాలి. లేనిపక్షంలో “ప్రజల కోసం” అన్న నినాదం కేవలం నినాదంగానే మిగిలిపోతుంది.

ప్రజలు అప్పులు చేసి మరీ ప్రైవేట్ వైద్యం కోసం పరుగులు పెట్టాల్సిన అవసరం లేకుండా.. ఆరోగ్య శ్రీ లాంటి పథకాలపై కోట్లు కుమ్మరించే బదులు.. ఆ పైకాన్ని ప్రభుత్వ ఆసుపత్రుల నిర్వహణకోసం ఖర్చుపెట్టగలిగితే పేదలు, సామాన్యజీవుల ఆరోగ్యాన్ని కాపాడగలుగుతాం.. ఈ విషయాలపై దృష్టి సారించాలని కోరుతోంది "ఫోరం ఫర్ యాంటీ కరప్షన్ అండ్ హ్యూమన్ రైట్స్ సంస్థ"..