స్పెషల్ కరస్పాండెంట్, హైదరాబాద్ :
అనుమతుల ప్రక్రియను వసూళ్ల కేంద్రంగా మార్చుకున్న హెచ్.ఎం.డీ.ఏ. చరిత్ర మసకబారిపోతోంది.. హెచ్.ఎం.డీ.ఏ. పరిధిలో చిన్న లే అవుట్ అనుమతి నుంచి భారీ స్థాయి ఆకాశహర్మ్యాలైన పెద్ద పెద్ద భవనాల వరకు అనుమతులు పొందడం అంత సులభం కాదు. ప్రతి ఫైల్ కూడా ముందుకు కదలాలంటే, లంచాల పర్వం తప్పనిసరి అవుతుందని రియల్ ఎస్టేట్ వ్యాపారులు, సాధారణ పౌరులు ఆవేదన వ్యక్తం చేస్తున్నారు.. అనుమతుల కోసం వచ్చే దరఖాస్తులు నెలలు, ఏళ్ల తరబడి పెండింగ్‌లో ఉంటే, కొంత “వసూళ్లు” జరిగాక మాత్రం వెంటనే ఆమోదం పొందుతున్నాయన్న ఆరోపణలు బలంగా వినిపిస్తున్నాయి. 

ప్రజల సమస్యలు గాలికొదిలేసిన అధికారులు :
హెచ్.ఎం.డీ.ఏ.లో సాధారణ పౌరుడి పని సజావుగా జరగడం చాలా కష్టం. చిన్న స్థలానికి లే అవుట్ అనుమతి తీసుకోవాలన్నా, రోడ్డు విస్తరణ పరిధిలో భూమికి పరిహారం పొందాలన్నా, ఎప్పటికప్పుడు లంచం చెల్లించాల్సిన ఆధారణ పరిస్థితులు నెలకొన్నాయని.. తిరి ప్రశ్నించే పరిస్థితి లేదని బాధితులు కన్నీరు మున్నీరు అవుతున్నారు.. దీంతో ప్రజలు ఆర్థికంగా, మానసికంగా ఇబ్బందులు ఎదుర్కొంటున్నారు.

ఇక చివరగా చెప్పుకోవలసింది :
“హైదరాబాద్ అభివృద్ధి” అనే లక్ష్యంతో ఏర్పడిన హెచ్.ఎం.డీ.ఏ. ఇప్పుడు అభివృద్ధి కన్నా అవినీతి కేంద్రంగా మారిపోయిందనే వాస్తవం నగర ప్రజల ఆవేదనగా మారింది. పారదర్శకత, సమర్థత, నైతిక విలువలు లేకుండా పనిచేస్తే, ఈ సంస్థపై నమ్మకం కోల్పోవడం సహజమే. కాబట్టి హెచ్‌.ఎమ్‌.డి.ఎలో శుద్ధి అవసరం అనేది అత్యవసరం అనే అభిప్రాయం పౌర సమాజం నుండి వినిపిస్తోంది. హెచ్‌.ఎమ్‌.డి.ఎ. అవినీతి పాలనకు ప్రతీక.. అనే భావం నుంచి ప్రజలు బైట పడాలంటే  హైదరాబాద్ మెట్రోపాలిటన్ డెవలప్మెంట్ అథారిటీ అనే పేరు వినగానే ప్రజలకు “అభివృద్ధి” అనే ఆశ కలగాలి. కానీ నేటి పరిస్థితి పూర్తిగా విరుద్ధం. ఈ సంస్థలో అవినీతి ఇంతలా పాతుకుపోయింది..  పర్యావరనాన్ని సైతం అమ్మకానికి పెట్టిన దారుణ పరిస్థితులు మారాలి.. 

నగరానికి ఊపిరితిత్తులైన గ్రీన్ బెల్ట్ ప్రాంతాలు కూడా కబ్జాదారుల చేతిలో బలి కాకుండా చూడాల్సిన బాధ్యత అధికారులపై ఉంది.. ఈ అధికారుల దురాశ వల్ల హైదరాబాద్ వాతావరణం వేడెక్కుతోంది. రాబోయే తరాలకు ఆక్సిజన్ బదులు కాంక్రీటే మిగలబోతోందనే నిజాన్ని గ్రహించాలి.. ఇక  కోట్ల రూపాయల విలువ చేసే ప్రాజెక్టులు పారదర్శకంగా కేటాయించాల్సింది పోయి, బినామీ  కంపెనీలకు బహుమతుల్లా ఇచ్చే పద్ధతి మానుకోవాలి.. పనుల నాణ్యతను పక్కన పెట్టి, కమీషన్లే ప్రధానంగా మారుతున్న ప్రక్రియలు మార్పు చెందాలి.. రోడ్ల నిర్మాణం జరగకముందే బిల్లులు క్లియర్ కావడం, ఫ్లైఓవర్లు నిర్మించకముందే ఖాతాలు ఖాళీ కావడం హెచ్.ఎం.డీ.ఏ. లో పరిపాటిగా మార్పియింది.. 

ప్రజలను బానిసలుగా కాకుండా పన్నులు కట్టే అతిథులుగా చూడాలి.. ఒక సాధారణ పౌరుడు హెచ్.ఎం.డీ.ఏ. ఆఫీసుకు వెళ్ళడం అంటే అవినీతి వలలో చిక్కుకోవడమే అన్న భయాందోళనల నుంచి బయటపడగాలి.. డబ్బు లేకపోతే పనిజరగదు.. అన్నది వాస్తవం.. ప్రజలు తమ కష్టార్జిత ధనాన్ని అధికారుల కడుపు నింపడానికి ఖర్చుపెట్టాల్సిన దుర్భర పరిస్థితి సిగ్గుచేటు. ఈ జాడ్యానికి చరమగీతం పాడటానికి  "ఫోరం ఫర్ యాంటీ కరప్షన్ అండ్ హ్యూమన్ రైట్స్ సంస్థ" శతథా ప్రయత్నిస్తోంది.. మా ఈ ప్రయత్నానికి మీ వంతు సహకారం ఆశిస్తోంది..