అచ్చంపేట:

కేంద్ర ప్రభుత్వం అమెరికాతో కుదుర్చుకున్న వాణిజ్య ఒప్పందాలను వ్యతిరేకిస్తూ ఈ నెల 18న (శనివారం) హైదరాబాద్‌లోని ఇందిరా పార్క్ ధర్నా చౌక్ వద్ద నిర్వహించ తలపెట్టిన మహాధర్నా పోస్టర్‌ను అచ్చంపేట ఎమ్మెల్యే, నాగర్‌కర్నూల్ డీసీసీ అధ్యక్షుడు వంశీకృష్ణ ఆవిష్కరించారు. తెలంగాణ యువజన కాంగ్రెస్ రాష్ట్ర ప్రధాన కార్యదర్శి, మహబూబ్‌నగర్ జిల్లా ఇంచార్జ్ శివంత్ రెడ్డి ఆధ్వర్యంలో జరిగిన ఈ కార్యక్రమంలో ఒప్పందాలకు వ్యతిరేకంగా నినాదాలు చేశారు.

దేశ ప్రయోజనాలకు గొడ్డలి పెట్టు
ఈ సందర్భంగా శివంత్ రెడ్డి మాట్లాడుతూ.. భారత్–అమెరికా మధ్య కుదిరిన వాణిజ్య ఒప్పందాలు దేశ ప్రయోజనాలను దెబ్బతీసేలా ఉన్నాయని విమర్శించారు. భారత ఉత్పత్తులపై సుంకాలను తగ్గించడం వల్ల దేశీయ పరిశ్రమలు తీవ్రంగా నష్టపోతాయని ఆందోళన వ్యక్తం చేశారు. ముఖ్యంగా:
 డేటా భద్రత: 140 కోట్ల భారతీయుల వ్యక్తిగత డేటా భద్రత ప్రమాదంలో పడే అవకాశం ఉంది.

 రైతులు, కార్మికులు: 
ఈ ఒప్పందం వల్ల అన్నదాతలు, కార్మిక వర్గం తీవ్రంగా నష్టపోతారు.

తరలిరావాలని పిలుపు
ఏప్రిల్ 18న జరిగే మహాధర్నాకు ఉమ్మడి మహబూబ్‌నగర్ జిల్లా నుంచి యువజన కాంగ్రెస్ నాయకులు, కార్యకర్తలు భారీ సంఖ్యలో తరలివచ్చి విజయవంతం చేయాలని ఆయన పిలుపునిచ్చారు. దేశ ప్రయోజనాల కోసం సాగే ఈ పోరాటంలో యువత భాగస్వాములు కావాలని కోరారు.