ఒక మహానుభావుడు చెప్పినట్లు ప్రజలు గొర్రెలు అన్న మాట మరోసారి నిరూపితం అయ్యింది.. ప్రస్తుతం తెలంగాణ ప్రభుత్వం చేస్తున్న హడావుడి..  బీసీల కోసం పాటుపడుతున్నామంటూ జీఓ లు జారీ చెయ్యడం.. తీరా సమయం దగ్గర పడే సమయానికి కుయుక్తులు పన్నడం..  కోర్టు పేరుతో కాలయాపన చెయ్యడం చేస్తున్నారు.. ఈ వ్యవహారంతో జరగాల్సిన స్థానిక ఎన్నికలు వాయిదా పడిపోయాయి.. రెండువారాల తరువాత ప్రభుత్వం కోర్టులో  ఎలాంటి వాదనలు వినిపిస్తుంది..? అనేది వేచి చూడాలి.. కాగా ఇప్పటికే కొందరు నామినేషన్స్ వేయడానికి సిద్ధమైపోయారు..  అంతో ఇంతో ఖర్చుకూడా పెట్టిన వారు ఉన్నారు.. మరి వీరందరి పరిస్థితి ఏమిటి..? దీనికి సీఎం రేవంత్ రెడ్డి ఏమని సమాధానం చెబుతారు..  రాజకీయ పార్టీలు ఆడే కపట నాటకాలలో బలైపోయేవారు సామాన్యులు మాత్రమే..  ఒక నిర్దిష్టమైన ప్రణాళిక లేకుండా  స్వార్ధ ప్రయోజనాలకోసం ఇష్టారీతిన జీఓలు జారీ చేయడం దేనికి సంకేతం..?   

కోర్టు చెబుతున్నది ఏమిటి..?

తెలంగాణ హైకోర్ట్ అధికార విచారణలో, జీఓ నెంబర్ 9ని అంటే 42 శాతం బీసీ రిజర్వేషన్ ఇచ్చిన ఆదేశాన్ని తాత్కాలికంగా నిలిపివేయడం జరిగింది.. హైకోర్ట్, ప్రభుత్వాన్ని నాలుగు వారాల్లో జవాబు సమర్పించాలనీ ఆదేశించింది.. కాగా దీనిపై వాదనలు వినడానికి అవకాశం కల్పించింది. 

సుప్రీంకోర్ట్ ప్రత్యేకంగా ఈ జీవో పై ఇప్పుడే ఒక నిర్దిష్టమైన అభిప్రాయాన్ని వెల్లడించలేమని చెబుతోంది.. ఎందుకంటే హైకోర్టులో సమానవాదనలు ఉన్నాయని, పెట్టిన అభ్యర్థనను ముందుగా హైకోర్టుకే తీసుకురావాలని నిర్ణయించింది. 

సుప్రీంకోర్ట్ ఒక పిటిషన్‌ను తిరస్కరించింది.. ఎందుకంటే ఈ జీఓ ను సవాల్ చేస్తూ ఒక పిటిషన్ ఫైల్ చేయబడింది.. హైకోర్టులో ఇదే విషయంపై  కేసులు వున్నాయని, పిటిషనర్ హైకోర్టుకు వెళ్లాలి అని తేల్చి చెప్పింది.. ప్రస్తుతం, స్థానిక ఎన్నికల ప్రక్రియ, నామనిర్ధారణ తదితర ప్రక్రియలు హైకోర్టు స్టే కారణంగా నిలిపివేయబడ్డాయి.

ఇది “డ్రామా”నా? అన్న రాజకీయ విశ్లేషణ జరుగుతోంది :

ఇలాంటి సందర్భాలపై రాజకీయ విశ్లేషకులు, పత్రికలు, విశ్లేషక సూక్తులు కొన్ని ప్రధాన అభిప్రాయాలు వెలిబుచ్చుతుంటారు.. ఈ కేసులో కూడా కనిపిస్తున్న కొన్ని “కార్యాచరణ పరమైన” రాజకీయ చర్యలు, అవి తీసుకుంటున్న రూపాలు విభిన్నంగా ఉన్నాయి.. 

కొందరు విశ్లేషకులు అంటున్నట్లు ప్రభుత్వం 42 శాతం బీసీ రిజర్వేషన్ వాగ్దానాన్ని ఎన్నికలకు ముందే రాజనీతికంగా ఉపయోగించుకుంది.. ముఖ్యంగా బీసీ వర్గాలనుంచి మద్దతు కూడగట్టయుకునేందుకు ప్రయత్నం చేసింది.. అయితే, ఇది జీఓ జారీ చేయడం.. కోర్టుకు సవాలు వెళ్లడం.. కోర్టు స్టే ఇవ్వడం” అనేది ముందుగా వేసుకున్న పథకం ప్రకారం ఒక గేమ్‌లా కనిపిస్తున్నది అనే విమర్శలు వినిపిస్తున్నాయి. ముఖ్యంగా, జీఓ ఇవ్వడం తర్వాతే స్టే రావడం, ఏదో విధంగా తప్పించుకునే ప్రక్రియల ఉందనే వాదనలు వినిపిస్తున్నాయి.. ప్రజలకు కేవలం మాటలు తప్పించి న్యాయ పరిధిలో ఆటలు సాగిస్తున్నారని విషయం అర్ధం అవుతోంది.. 
న్యాయవిధి పరిమితులను పరీక్షించుకోవడం.. ప్రభుత్వం వాగ్దానాన్ని న్యాయ పరిమితులలోనే చేయాలి అన్న ముఖ్యమైన సూత్రాన్ని పక్కదోవ పట్టిస్తున్నది అన్నది స్పష్టం అవుతోంది.. 

సుప్రీంకోర్టు, హైకోర్టు ఈ జీఓ పై ముందు విచారించాల్సిన అవసరం వుందన్నది నిర్విదాంశం.. ఇది అధికార అధికారికత, రాజ్యాంగ నిబద్ధతను  పరిరక్షించుకోవడం అనే దాన్ని చూడవచ్చు.

నిర్వాహక లోపాలు : 
రాజకీయ విమర్శకులు అంటున్న విధంగా ప్రభుత్వం జీఓ  జారీ చేసే విధానం, గవర్నర్ వ్యతిరేకత, చట్టబద్ధతా సన్నాహకాలు పూర్తిగా లేకపోవడం, వీటిపై తక్షణ ప్రతిస్పందనలు లేకపోవడము అనేవి కేవలం కంటితుడుపు చర్యలుగా చూడవచ్చు.. ఒకవైపు వాగ్దానం చేయటం..  మరోవైపు పాక్షిక చట్టబద్ధతా చర్చలకు సిద్ధంగా ఉండకపోవటం జరిగింది.. ఇది ప్రజలను మోసం చేయడమే అంటున్నారు.. 

విపక్ష పార్టీ వ్యూహం :
 
తెలంగాణ రాజ్య­సమితి పార్టీ ఒక్కడుగు ముందుకు వేసి కాంగ్రెస్ పార్టీది మోసపూరిత వాగ్ధానాలు, అస్థిరత అనే అంశాలను బలంగా వినిపిస్తోంది.. కే.టి. రామారావు మాట్లాడుతూ కాంగ్రెస్ చేసిన వాగ్ధానాలు వింతగా వున్నాయి అని విమర్శించారు.  ఇక అధికార కాంగ్రెస్ పార్టీ  బీసీల అభ్యున్నతే లక్ష్యంగా తాము చేసిన జీఓ చట్టబద్ధంగా ఉంది” అనే వాదనను తెరమీదకు తీసుకుని వస్తోంది.. ప్రజా మద్దతు గెలుచుకోవాలనే దృష్టితో వాదిస్తోంది.. బీజేపీ కూడా ఈ వ్యవహారం స్పష్టత ఇవ్వండి అని అడుగుతోంది.. జీఓ జారీ వ్యవహారంలో కొన్ని పరిమితులు వుంటాయని వాదిస్తోంది.. 

రాజ్యాంగ, న్యాయపరమైన ఫలితాలతో  ప్రమాదం : 

ఈ జీఓ పై కోర్టు స్టే విధించడంపై ఈ ప్రక్రియ యావత్తూ ఒక న్యాయ పోరాటంగా మారిపోయింది.. చివరికి ఇది కోర్టు ఇచ్చే తీర్పుపైనే ఆధారపడి వుంది..  దీంతో ప్రజలకు ఇది ప్రభుత్వం ఇచ్చిన  వాగ్దానం.. న్యాయ యుద్ధంగా మారిపోయింది.. అసలు ఈ వ్యవహారం ఎటు పోతుందో అన్న అనిశ్చితి ఏర్పడింది అని చెప్పవచ్చు.. 

కాగా రాష్ట్ర ప్రభుత్వం 42శాతం రిజర్వేషన్ ప్రణాళికను తీసుకొస్తున్నప్పటికీ, చట్టబద్ధతా, న్యాయపరమైన సవాళ్ళను పరిగణ లోకి తీసుకుంటున్నామని పేర్కొంటుంది. 50 శాతం క్యాప్ అనే సుప్రీం కోర్టు నిర్ణయాల పరిమితి విషయంలో ప్రభుత్వం వ్యూహాత్మకంగా ముందుకు వేయడం లేదన్నది విమర్శకులు అంటున్న మాట.. రిజర్వేషన్‌ను న్యాయస్థాయిలు సవాలకి లోనయ్యే అవకాశం చాలా ఎక్కువగా వుంటుంది.. నిజానికి ఇది రాజకీయ ప్రయోజనాల కోసం ప్రభుత్వం నడుపుతున్న ఒక ప్రణాళిక అని మేధావులు వాదిస్తున్నారు.. 

కాగా తెలంగాణ ప్రభుత్వం 42శాతం బీసీ రిజర్వేషన్ చట్టాలను రాజ్యాంగంలో నైన్త్ షెడ్యూల్ లో చేర్చాలని వాదిస్తోంది.. తద్వారా కోర్టులు వాటిని సవాల్ చేయడానికి వీలుండదని చెబుతోంది.. ఇక “సామాజిక న్యాయం, సమానత్వం” అంశాల పరిరక్షణ కోసం ఈ చట్టాలను కోర్టు జోక్యాలను తక్కువగా ఉంచాలని వాదిస్తోంది.. అయితే, ఈ దృష్టికోణం కూడా రాష్ట్రాలు న్యాయపరిమితులని గౌరవించాలని మరో వాదన సైతం వినిపిస్తోంది.. 

అయితే ఈ రిజర్వేషన్ వ్యవహారంలో ఒక్కో లీడర్ ఒక్కో రకంగా వాదిస్తున్నారు.. ఎమ్మెల్సీ కవిత 42శాతం బీసీ రిజర్వేషన్ల ఆర్డినెన్స్ తీసుకురావడం “తెలంగాణ జాగృతి పోరాట విజయం” అని పేర్కొంది. ఉద్యమ బలంతోనే సాధించదగిన నిర్ణయం అని, ప్రభుత్వం బీసీ వర్గాలకు న్యాయం చేయాలని ఆమె అంటోంది.. 

ఏది ఏమైనా తెలంగాణ ముఖ్యమంత్రి రేవంత్ రెడ్డి ఇక్కడ ఇరకాటంలో పడ్డట్టు తెలుస్తోంది.. ఎందుకంటే ఎన్నికల ముందే హామీలు ఇచ్చినప్పటి పరిస్థితులు, గవర్నర్ సంతకాలు ఆలస్యం చేయడం, న్యాయపరమైన అడ్డంకులు అనే విచిత్ర పరిస్థితులు ఎదురవుతున్నాయి.. ఇవన్నీ రేవంత్ ప్రభుత్వాన్ని చిక్కుల్లోకి తీసుకువెళ్తున్నాయనే విశ్లేషణలు హల్ చల్ చేస్తున్నాయి.. 

కాగా తెలంగాణ హై కోర్టు ఈ వ్యవహారంపై రాష్ట్ర ప్రభుత్వాన్ని తీవ్రంగా ప్రశ్నిస్తోంది.. అసలు జీవో ఎలా జారీ చేశారు..? బీసీ కమిషన్ వాదనలు విన్నారా..? వారి అభిప్రాయం తీసుకున్నారా..? ఇవన్నీ ఖచ్చితంగా పరిశీలించాల్సిన అంశాలుగా పేర్కొంది. కాగా వార్తా మాధ్యమాలు తెలిపినట్టు, గవర్నర్ ఆమోదం ఇచ్చిందనే వార్తలు వచ్చాయి, తర్వాత రాజ్‌భవన్ వారు అవి నిజం కాదని సరిదిద్దారు. ఈ రకమైన వార్తలు రాజకీయ విశ్లేషకుల్లో అనేక సందేహాలు వెల్లడవుతున్నాయి.. 
 
కొన్ని వార్తల ప్రకారం, నోటిఫికేషన్ జారీ చేయకపోవడమూ, గవర్నర్ ఆర్డినెన్స్‌ను ఆలస్యం చేయడమూ కూడా రాజకీయ వ్యూహంగా ఉండవచ్చు అని తెలుస్తోంది.. 

ఇక విపక్ష రాజకీయ నేతల విమర్శలు ఘాటుగా వినిపిస్తున్నాయి.. బీసీలను మోసం చేస్తున్నారు అని అంటున్నారు.. అదే విధంగా ఈ జీఓ కేవలం ఎన్నికల ప్రచార సాధనంగా వినియోగించారని, ప్రభుత్వం చట్టబద్ధతా సిద్ధత లేకుండా ఈ జీఓ ను తెరమీదకు తీసుకు వచ్చారని వాదిస్తున్నారు.. 

రిజర్వేషన్ బిల్లు కేంద్రం అడ్డుకుంటూనే ఉంటుందని, బీసీ రిజర్వేషన్ చట్టాన్ని ఖచ్చితంగా అమలు చేయాలని తెలంగాణ ముఖ్యమంత్రి రేవంత్ రెడ్డి అంటున్నారు.. ఈ క్రమంలో కేంద్రంపై లోత్తిడి తెస్తామని నొక్కి వక్కాణిస్తున్నారు.. బిల్లు తప్పని సరిగా కార్యరూపం దాల్చాలని స్థానిక ఎన్నికలు 30 సెప్టెంబర్ లోగా జరగాలని, దీనికి కేంద్ర ప్రభుత్వం సహకరించకపోవడంపై ఆయన నిప్పులు చెరుగుతున్నారు.. ఇక బిసీలకు 42శాతం రిజర్వేషన్ చేయాలని వాదిస్తూ, కాంగ్రెస్ ప్రభుత్వం సరైన పద్దతిలో ముందుకు వెళ్లడం లేదని కేంద్ర మంత్రి బీజేపీ నాయకులు జీ. కిషన్ రెడ్డి అంటున్నారు.. 

ఏది ఏమైనా ఈ రాజకీయ కుమ్ములాటల్లో నష్టపోయేది సామాన్యులైన బీసీ వర్గాలే.. రాజకీయ స్వప్రయోజనాల కోసం కాకుండా బీసీల అభ్యున్నతి కోసం పాటు పడేంతవరకు పోరాటం చేస్తామని హెచ్చరిస్తోంది " ఫోరం ఫర్ యాంటీ కరప్షన్ అండ్ హ్యూమన్ రైట్స్ సంస్థ "..